ຕາມ​ຂ່າວສານ​ຊິນ​ຮວາ:ມື້​ນີ້(ວັນ​ທີ23 ສິງຫາ),ຢູ່​ກົວ​ລາ​ລຳ​ເປີ,ລັດຖະມົນຕີ​ເສດຖະກິດຂອງ​ປະ​ເທດ​ພາຄີ​ຂອງສະມາຄົມ​ປະຊາ​ຊາດ​ອາຊີ​ຕາເວັນອອກສຽງໃຕ້ຫຼື​ອາຊ​ຽນອອກ​ຖະ​ແຫຼ​ງການ​ຮ່ວມ​,ຮຽກຮ້ອງ​​ໃຫ້ບັນດາສະມາຊິກ​ອົງການ​ການ​ຄ້າ​ໂລກ​ພະຍາຍາມ​ຟື້ນຟູ​ການ​ເຈລະຈາ​ຮອບ​ໂດ​ຮາ​ກ່ອນ​ທ້າຍ​ປີ​ນີ້.

ລັດ​ຖະ​ມົນ​ຕີ​ເສດ​ຖະ​ກິດ​ຂອງ​10​ປະ​ເທດ​ອາ​ຊຽນ​ທີ່​ເຂົ້າ​ຮ່ວມ​ກອງ​ປະຊຸມ​ລັດຖະມົນຕີ​ເສດຖະກິດ​ຂອງ​ອາຊ​ຽນຄັ້ງ​ທີ່38ກ່າວ​ໃນ​ຖະ​ແຫຼ​ງການ​ວ່າ,ອາຊຽນ​ເອົາ​ໃຈ​ໃສ່​​ໃນ​ລະດັບ​ສູງນຳບົດບາດ​ຂອງ​ການ​ເຈລະຈາ​ຮອບ​ໂດ​ຮາ​ໃນ​ດ້ານ​ເພີ່ມ​ທະວີ​ລະບົບ​ການ​ຄ້າ​ຫຼາຍ​ຝ່າຍ,​ເຫັນ​ວ່າການ​ເຈລະຈາ​ຮອບ​ໂດ​ຮາ​ມີ​ຄວາມ​ໝາຍສຳຄັນ​ທີ່​ສຸດ​ທີ່​ຮັບ​ປະກັນ​ໃຫ້ເສດຖະກິດ​ຂອງບັນດາ​ປະ​ເທດ​ພາຄີ​ອາຊ​ຽນເຕີບ​ໂຕ​ແລະ​ພັດທະນາ​ຢ່າງ​ຕໍ່​ເນື່ອງ.