ຕາມ​ຂ່າວສານ​ຊິນ​ຮວາ:ມື້ວານ​ນີ້,ວັນ​ທີ23 ສິງຫາ,ກອງ​ປະຊຸ​ມລັດຖະມົນຕີ​ເສດຖະກິດ​ຂອງ​ອາຊ​ຽນຄັ້ງ​ທີ38​ໄດ້​ອັດ​ລົງ​ຢູ່​ກົວ​ລາ​ລຳ​ເປີ.​ໃນ​ເວລາ​ສິ້ນ​ສຸດ,​ກອງ​ປະຊຸມ​​ໄດ້ອອກ​ຖະ​ແຫຼ​ງການ​ຊີ້​ອອກ​ວ່າ,ອາຊ​ຽນຈະ​ໃຊ້​ມາດ​ຕະການ​ທີ່​​ໄດ້​ຜົນ​ຊະນິດ​ຕ່າງໆ​​ເພື່ອ​ເລັ່ງການ​ເຊື່ອມ​ໂຍງ​ກັນ​ທາງ​ດ້ານ​ເສດຖະກິດ​ໃນ​ພາກ​ພື້ນ.

ຖະ​ແຫຼ​ງການ​ກ່າວ​ວ່າ,​ເພື່ອ​ຮັກສາ​​ໃຫ້ເສດຖະກິດ​ຂອງ​ພາກ​ພື້ນ​ອາຊ​ຽນ​​ເຕີບ​ໂຕ​ຢ່າງ​ຕໍ່​ເນື່ອງ,ຕ້ານທານ​ຕໍ່​ການ​ກະທົບ​ທາງ​ລົບຕ່າງໆ​ອາດ​ຈະມີ​ມາ,ອາຊ​ຽນຄວນ​ລົງ​ເລິກ​ແລະ​ເລັ່ງລັດ​ເຮັດໃຫ້ເສດຖະກິດ​ຂອງ​ພາກ​ພື້ນ​ເຊື່ອມ​ໂຍງ​ເຂົ້າກັນເປັນຕະຫຼາດ​ດຽວ​ໂດຍ​ໄວ.

ປີ​ກາຍ​ນີ້,ຜູ້ນຳ​ຂອງ10ປະ​ເທດອາຊ​ຽນ​ໄດ້​ສະ​ເໜີ​​ໃຫ້​ເລື່ອນ​ເວລາ​ເຊື່ອມ​ໂຍງເສດຖະກິດ​​ອາຊ​ຽນ​ທີ່​ແຕ່​ເດີມ​ຕົກລົງ​ຈະ​ໃຫ້​ບັນລຸ​ຜົນ​ເປັນ​ຈິງ​​ໃນ​ປີ2020​ນັ້ນ​ໃຫ້​ລົງ​ມາ​ເປັນ​ປີ2015.ຖະ​ແຫຼ​ງການ​ກ່າວ​ວ່າ,ລັດຖະມົນຕີ​ເສດຖະກິດ​ຂອງ​ປະ​ເທດ​ສະມາ​ຊິດອາຊ​ຽນທີ່​ຮ່ວມ​ປະຊຸມ​ຕ່າງ​ກໍ່​ໄດ້​ສະ​ໜັບ​ສະ​ໜູນ​ຕາ​ລາງ​ເວລາ​ນີ້,​ແລະ​ຕົກລົງ​ສະ​ເໜີ​ຂໍ້​ສະ​ເໜີດັ່ງກ່າວ​ໃຫ້​ຜູ້ນຳ​ຂອງ​ອາຊ​ຽນສຳ​ຫຼວດພິຈາລະນາ.