|
|
 |
| (GMT+08:00)
2006-08-25 21:17:22
|
 |
|
ກອງປະຊຸມເສດຖະກິດມາເລເຊຍຈີນຄັ້ງທີ3ປິດປະຊຸມ,ງານເອັກສ໌ໂປຈີນອາຊຽນໄດ້ຮັບຄວາມເອົາໃຈໃສ່
cri
Author: da
ຕາມໜັງສືພິມກວາງຊີຢື້ປ້າວລາຍງານວ່າ: ກອງປະຊຸມເສດຖະກິດມາເລເຊຍຈີນປີ2006ທີ່ດຳເນີນເປັນເວລາສອງມື້ຢູ່ມາເລເຊຍໄດ້ອັດລົງແລ້ວໃນວັນທີ23ສິງຫາ.ທ່ານສະຣີນາກີ ດຸນລາຢາ ຮອງນາຍົກລັດຖະມົນຕີມາເລເຊຍໄດ້ເຂົ້າຮ່ວມກອງປະຊຸມແລະກ່າວຄຳປາໄສ.ເຈົ້າໜ້າທີ່ ນັກທຸລະກິດແລະນັກປາດຂອງສອງປະເທດມາເລເຊຍຈີນລວມ 1500 ກວ່າຄົນໄດ້ເຂົ້າຮ່ວມກອງປະຊຸມ. ງານເອັກສ໌ໂປຈີນອາຊຽນຄັ້ງທີ3ທີ່ແນະນຳໃນກອງປະຊຸມໄດ້ຮັບຄວາມສົນໃຈຢ່າງສູງຈາກຜູ້ແທນທີ່ຮ່ວມປະຊຸມ,ຜູ່ຮັບຜິດຊອບທີ່ກ່ຽວຂ້ອງຂອງມາເລເຊຍເວົ້າວ່າ,ຈະອອກແຮງຈັດຕັ້ງວິສາຫະກິດເຂົ້າຮ່ວມງານເອັກສ໌ໂປ.
ກອງປະຊຸມເສດຖະກິດມາເລເຊຍຈີນຄັ້ງນີ້ມີຫົວຂໍ້ວ່າ"ເສີມຂະຫຍາຍປະສິດທິຜົນຂອງການເຕົ້າໂຮມກັນ,ສ້າງອາຊີຕາເວັນອອກໃຫ້ຈະເລີນ",ຄົ້ນຄວ້າຫາລືການເພີ່ມທະວີການຮ່ວມມືທາງດ້ານການຄ້າແລະເສດຖະກິດລະຫວ່າງມາເລເຊຍກັບຈີນ,ເພີ່ມທະວີການຕິດຕໍ່ພົວພັນລະຫວ່າງນັກທຸລະກິດຂອງສອງປະເທດ,ຊັກນຳວິສາຫະກິດມາເລເຊຍ ໂດຍສະເພາະແມ່ນວິສາຫະກິດຂະໜາດນ້ອຍຂະໜາດກາງໃຫ້ເອົາໃຈໃສ່ນຳໂອກາດການຄ້າຢູ່ເຂດພາກຕາເວັນຕົກແລະພາກຕາເວັນອອກສຽງເໜືອຂອງຈີນຫຼາຍກວ່າເກົ່າ.
ທ່ານສະຣີນາກີຮອງນາຍົກລັດຖະມົນຕີມາເລເຊຍໄດ້ຕີລາຄາຢ່າງສູງຕໍ່ການແລກປ່ຽນແລະຮ່ວມມືທາງເສດຖະກິດການຄ້າທີ່ເລິກເຊິ່ງແລະກວາງອອກເລື້ອຍໆລະຫວ່າງມາເລເຊຍກັບຈີນ,ຫວັງໃຫ້ສອງຝ່າຍເພີ່ມທະວີການຮ່ວມມືໃນດ້ານອຸດສາຫະກຳ ເຊັ່ນອຸດສາຫະກຳອາຫານມຸສລິມເປັນຕົ້ນໃຫ້ຫຼາຍກວ່າເກົ່າ,ໃຫ້ ສອງຝ່າຍຍິ່ງໄດ້ຮັບປະສິດທິຜົນຫຼາຍກວ່າເກົ່າໃນດ້ານເສດຖະກິດ.
ໃນກອງປະຊຸມ ທ່ານທຽນອ້ຽວມິງ ຮອງເລຂາທິການສຳນັກເລຂາຂອງງານເອັກສ໌ໂປຈີນອາຊຽນໄດ້ແນະນຳຈຸດພິເສດຂອງງານເອັກສ໌ໂປຄັ້ງທີ3,ພ້ອມດ້ວຍວຽກງານກະກຽມແລະການເຊີນຊວນນັກທຸລະກິດມາຮ່ວມງານສະແດງເປັນຕົ້ນ,ແລະໄດ້ວາງຂໍ້ສະເໜີຫຼາຍຂໍ້ກ່ຽວກັບການຍົກປະສິດທິພາບຂອງວິສາຫະກິດມາເລເຊຍໃນເວລາເຂົ້າຮ່ວມງານເອັກສ໌ໂປ,ທັງໝົດເຫຼົ່ານີ້ໄດ້ຮັບຄວາມຊົມເຊີຍຈາກບຸກຄົນຝ່າຍມາເລເຊຍທີ່ຮ່ວມປະຊຸມ.
|
|
|
