|
ແຜນການອອກຢາເສບຕິດດ້ວຍເມທາໂດນຂອງມາເລເຊຍໄດ້ຮັບປະສິດທິຜົນຢ່າງເດັ່ນຊັດ
cri
Author: cai
ຕາມຂ່າວສານຊີນຮວາ:ວັນທີ 26 ສິງຫາ,ເຈົ້າໜ້າທີ່ມາເລເຊຍເວົ້າວ່າ,ແຜນການໃຊ້ວິທີຮັກສາດ້ວຍເມທາໂດນມາອອກຢາເສບຕິດໄລຍະທຳອິດທີ່ກະຊວງສາທາລະນະສຸກມາເລເຊຍດຳເນີນນັ້ນໄດ້ຮັບປະສິດທິຜົນຢ່າງເດັ່ນຊັດ,ຜູ້ເສບຢາເສບຕິດທີ່ເຂົ້າຮ່ວມແຜນການດັ່ງກ່າວ,ມີ 84% ໄດ້ອອກຢາເສບຕິດແລ້ວ.
ຜູ້ເສບຢາເສບຕິດທີ່ສະໝັກຮັບການປິ່ນປົວດ້ວຍເມທາໂດນງວດທຳອິດຂອງມາເລເຊຍລວມມີ 1240 ຄົນ,ປະຈຸບັນ,ມີ 71,5% ໄດ້ມີວຽກເຮັດງານທຳແລະກັບຄືນສູ່ສັງຄົມແລ້ວ.ກະຊວງສາທາລະນະສຸກມາເລເຊຍມີແຜນການໃຫ້ຜູ້ເສບຢາເສບຕິດທີ່ເຂົ້າຮ່ວມແຜນການດັ່ງກ່າວເພີ່ມຂຶ້ນຮອດ 15000 ຄົນໃນປີ 2010.
ແຕ່ເດືອນພະຈິກປີກາຍນີ້ເປັນຕົ້ນມາ,ກະຊວງສາທາລະນະສຸກມາເລເຊຍໄດ້ເບີກເງິນ 5 ລ້ານລິງກິດ,ດຳເນີນແຜນການຫຼຸດຜ່ອນຜົນຮ້າຍໃນຂອບເຂດທົ່ວປະເທດ,ຜ່ານຈາກວິທີປິ່ນປົວທີ່ສະໜອງເມທາໂດນໃຫ້ຜູ້ເສບຢາເສບຕິດຮ້າຍແຮງນັ້ນກິນ,ຊ່ອຍພວກເຂົາເຈົ້າອອກຢາເສບຕິດເປັນກ້າວໆ.
|
|
