|
|
 |
| (GMT+08:00)
2006-08-28 15:37:08
|
 |
|
ຢູ່ມໍ່ເຮືອນພັກຂອງທ່ານທັກສິນ ຊິນນະວັດນາຍົກລັດຖະມົນຕີໄທປະກົດເຫັນວັດຖຸທີ່ໜ້າສົງໄສ
cri
Author: cai
ຕາມຂ່າວCRI:ຕອນຮຸ່ງເຊົ້າວັນທີ 28 ສິງຫາ,ເຈົ້າໜ້າທີ່ຕຳຫຼວດໄທໄດ້ພົບວັດຖຸທີ່ໜ້າສົງໄສຢູ່ເຂດມໍ່ເຮືອນພັກຂອງທ່ານທັກສິນ ຊິນນະວັດ ນາຍົກລັດຖະມົນຕີຮັກສາການຂອງໄທທີ່ບາງກອກອີກ,ຝ່າຍຕຳຫຼວດໄດ້ອັດທາງເຂົ້າບ່ອນເກີດເຫດໃນທັນທີ,ແລະເລີ່ມສຳຫຼວດ.
ຕາມສື່ມວນຊົນໄທແຈ້ງຂ່າວວ່າ,ເວລາປະມານ 6 ໂມງເຊົ້າວັນທີ 28 ສິງຫາ,ກຳມະກອນທີ່ສົ່ງນ້ຳກ້ອນໄປໃຫ້ຮ້ານອາຫານຫຼັງໜຶ່ງທີ່ຢູ່ເຂດມໍ່ເຮືອນພັກຂອງທ່ານທັກສິນໄດ້ພົບເຫັນວັດຖຸທີ່ໜ້າສົງໄສຫໍ່ໜຶ່ງຢູ່ຮ່ອມທີ່ເນັ່ງໄປສູ່ເຮືອນພັກຂອງທ່ານທັກສິນ.ຕາມການກວດກາຂອງຕຳຫຼວດໃນເບື້ອງຕົ້ນເຫັນວ່າ,ວັດຖຸທີ່ໜ້າສົງໄສດັ່ງກ່າວລວມທັງເຄື່ອງບັງຄັບເວລາເຄື່ອງໜຶ່ງແລະວັດຖຸເປັນກ້ອນທີ່ຕິດກັບສາຍສະນວນ.
ວັນທີ 24 ສິງຫາ,ຝ່າຍຕຳຫຼວດໄທໄດ້ຈັບຕົວນາຍທະຫານຜູ້ໜຶ່ງຢູ່ເຂດມໍ່ເຮືອນພັກຂອງທ່ານທັກສິນ,ແລະໄດ້ຊອກພົບສິ່ງລະເບີດປະມານ 70 ກິໂລຢູ່ໃນລົດຂອງເຂົາ.ຫຼັງຈາກນັ້ນ,ທ່ານທັກສິນປະກາດວ່າ,ນີ້ແມ່ນເຫດການລອບສັງຫານເທື່ອໜຶ່ງທີ່ແນໃສ່ທ່ານແລະສັ່ງໃຫ້ສືບສວນຢ່າງລະອຽດ.
|
|
|
