|
ປີນີ້ມູນຄ່າການຄ້າສອງຝ່າຍຈີນຫວຽດນາມຈະບັນລຸ10ຕື້ໂດລາ
cri
ຕາມຂ່າວສານຊີນຮວາ,ຫາງສຽງວົງການຕ່າງໆພ້ອມດ້ວຍພາກສ່ວນຊົງອິດທິພົນຂອງຫວຽດນາມເຫັນໂດຍທົ່ວໄປວ່າ,ປັດຈຸບັນ,ຈີນໄດ້ກາຍເປັນຄູ່ຂາຮ່ວມມືດ້ານເສດຖະກິດການຄ້າທີ່ສຳຄັນທີ່ສຸດຂອງຫວຽດນາມແລ້ວ.
ຕາມສະຖິຕິຂອງດ່ານພາສີຫວຽດນາມ,ໃນປີ2005,ມູນຄ່າການຄ້າສອງຝ່າຍມີ8ຕື້790ລ້ານໂດລາ,ຫົກເດືອນຕົ້ນປີ2006ມີ4ຕື້645ລ້ານໂດລາ,ກະວ່າມູນຄ່າການຄ້າສອງຝ່າຍປີ2006ຈະມີ10ຕື້ໂດລາ.ພ້ອມກັນນັ້ນ,ຕົວເລກສະຖິຕິຂອງພາກສ່ວນທີ່ກ່ຽວຂ້ອງຂອງຫວຽດນາມສະແດງໃຫ້ເຫັນວ່າ,ນັບມາຮອດເດືອນກໍລະກົດປີ2006,ຈີນໄດ້ລົງທຶນຢູ່ຫວຽດນາມລວມ377ໂຄງການ,ທຶນຈົດທະບຽນມີ796ລ້ານໂດລາ.
ນອກນີ້ຂ່າວແຈ້ງວ່າ,ປັດຈຸບັນ,ຈີນແມ່ນແຫຼ່ງນັກທ່ອງທ່ຽວທີ່ໃຫຍ່ກວ່າໝູ່ຂອງຫວຽດນາມແລ້ວ.ໃນຫົກເດືອນຕົ້ນປີ2006,ຄົນຈີນທີ່ໄປທ່ຽວຫວຽດນາມມີ3ແສນ5ໝື່8ພັນເທື່ອຄົນ.ໃນຂະນະດຽວກັນ,ຄົນຫວຽດນາມທີ່ມາທ່ຽວຈີນກໍນັບມື້ນັບຫຼາຍຂຶ້ນ.
|
|
