ຕາມ​ຂ່າວສານ​ຊິນ​ຮວາ:​​ບົດ​ລາຍ​ງານ​ສະບັບ​ຫຼ້າ​ສຸດ​ທີ່​ທະນາຄານ​ໂລກປະກາດ​ໃນ​ກອງ​ປະຊຸມ​ປະ​ເທດ​ສະມາຊິກ​ຄັ້ງ​ທີ3ຂອງ​ກອງ​ທຶນ​ສິ່ງ​ແວດ​ລ້ອມ​ໂລກນັ້ນ​ໄດ້​ຊີ້​ອອກ​ວ່າ,ຜົນ​ສະທ້ອນ​ທາງ​ລົບ​ຍ້ອນ​ອາກາດ​ຮ້ອນ​ຂຶ້ນ​ທີ່​ມີ​ຕໍ່ສິ່ງ​ແວດ​ລ້ອມ​ທຳມະ​ຊາດທົ່ວ​ໂລກ​ແລະ​ການ​ພັດທະນາ​ຂອງ​ມະນຸດ​​ນັ້ນໄດ້​ປະກົດ​ຕົວ​ຂຶ້ນ​ແລ້ວ,ອາ​ຟິຼກາ​ແລະບາງ​ປະ​ເທດ​ເກາະດອນ​ຖືກ​ກະທົບກະ​ເທືອນ​ຫຼາຍກ່ອນ​ໝູ່.

ບົດ​ລາຍ​ງານ​ກ່າວ​ວ່າ,ໄພ​ແຫ້ງ​ແລ້ງ​ຍ້ອນດິນ​ຟ້າ​ອາກາດປ່ຽນ​ແປງ​ໄດ້,​ເຮັດໃຫ້​​ໂຄງການ​ຫຼຸດຜ່ອນ​ຄວາມ​ທຸກ​ຍາກ​ດ້ານ​ກະສິ​ກຳ​ທີ່​ທະນາ​ຄານ​ໂລກ​ປະຕິ​ບັດ​ຢູ່ອາ​ຟິຼກາ​ພາກ​ໃຕ້​ທະ​ເລ​ຊາຍຊາ​ຮາ​ລາ​ນັ້ນມີ1ສ່ວນ4​ປະ​ເຊີນ​ກັບ​ວິ​ກິດການ.ຍ້ອນວ່າ​ລະດັບ​ນ້ຳທະເ​ລສູງ​ຂຶ້ນແລະ​ໄພພິບັດ​ທາງ​ອາກາດ​ເພິ່ມ​ຫຼາຍ​ຂຶ້ນ,ການ​ສະ​ໜອງ​ນ້ຳ​ແລະ​ພື້ນ​ຖານ​​ໂຄງ​ລ່າງ​ຂອງ​ປະ​ເທດ​ເກາະ​ດອນນ້ອຍໆ​ຈຳນວນ​ໜຶ່ງ​ກໍ່ຖືກ​ທຳລາຍ​ເລື້ອຍໆ.ການ​ຄົ້ນຄວ້າ​ຫຼາຍ​​ໂຄງ​ການໄດ້​ຢັງ​ຢືນ​ວ່າ,ອິນ​ຟ້າ​ອາກາດ​ປ່ຽນ​​ແປງຈະ​ສ້າງ​ຜົນ​ສະທ້ອນ​ອັນ​ໜັກ​ໜ່ວງ​ຕໍ່​ເສດຖະກິດ​ຂອງ​ປະ​ເທດພວມ​ພັດທະນາ​ທີ່​ຖືກ​ກະທົບກະ​ເທືອ​ນ.