|
ຕາມຂ່າວCRI:ວັນທີ31ສິງຫາ,ໃນເວລາກ່າວປາຖະກະຖາຢູ່ລັດຖະສະພາເບຼຊິນ,ທ່ານອູປາງກົວ ປະທານຄະນະປະຈຳສະພາປະຊາຊົນແຫ່ງຊາດຈີນທີ່ພວມຢ້ຽມຢາມເບຼຊິນກ່າວວ່າ,ຝ່າຍຈີນເພິ່ງພໍໃຈຕໍ່ການພົວພັນຈີນກັບເບຼຊິນໃນປັດຈຸບັນ,ແລະຫວັງຢາກເພິ່ມທະວີການຮ່ວມມືມິດຕະພາບກັບປະເທດອາເມລິກາລາຕິນ ເຊິ່ງລວມທັງເບຼຊິນຕື່ມອີກ
ທ່ານອູປາງກົວໄດ້ສະເໜີຂໍ້ສະເໜີຫຼາຍຂໍ້ຕໍ່ການຂະຫຍາຍຕົວຂອງການພົວພັນລະຫວ່າງຈີນກັບປະເທດອາເມລິກາລາຕິນ ເຊິ່ງລວມທັງເບຼຊິນໃນສະເພາະໜ້ານີ້,ແລະກ່າວວ່າ,ພາຍໃຕ້ສະພາບການໃໝ່ທີ່ທ່ວງທ່າຫັນເປັນຫຼາຍຂົ້ວຂອງໂລກແລະໂລກາພິວັດດ້ານເສດຖະກິດໄດ້ຂະຫຍາຍຕົວຢ່າງບໍ່ຢຸດຢັ້ງນັ້ນ,ການເພິ່ມທະວີການຮ່ວມມືມິດຕະພາບລະຫວ່າງຈີນກັບປະເທດອາເມລິກາລາຕິນນັ້ນສອດຄ່ອງກັບຜົນປະໂຫຍດພື້ນຖານຂອງສອງຝ່າຍ,ມີຜົນດີຕໍ່ການພັດທະນາຮ່ວມກັນຂອງຈີນກັບປະເທດອາເມລິກາລາຕິນ,ມີຜົນດີຕໍ່ການເພິ່ມທະວີການຮ່ວມມືໃຕ້ໃຕ້ ແລະ ມີຜົນດີຕໍ່ການຊຸກຍູ້ສັນຕິພາບແລະການພັດທະນາຂອງໂລກ.
ມື້ດຽວກັນ,ທ່ານອູປາງກົວຍັງໄດ້ກ່າວຄຳປາໄສຢູ່ພິທີໄຂກອງປະຊຸມປະຈຳປີຂອງຄະນະກຳມະການນັກວິສາຫະກິດຈີນກັບເບຼຊິນ.
|
