|
ປະທານາທິບໍດີອິນໂດເນເຊຍຕິຕຽນສື່ມວນຊົນຝ່າຍຕາເວັນຕົກປະຕິບັດສອງມາດຖານ
cri
ຕາມຂ່າວສານຊີນຮວາ,ວັນທີ2ກັນຍາ,ທ່ານຊູຊີໂລ ບຳບັງ ຢູດໂຮໂຢໂນ ປະທານາທິບໍດີອິນໂດເນເຊຍໄດ້ຮຽກຮ້ອງໃຫ້ສື່ມວນຊົນສາກົນຈົ່ງເສີມຂະຫຍາຍບົດບາດໄກ່ເກ່ຍໃນດ້ານຜ່ອນຄາຍການປະທະກັນ,ແຕ່ບໍ່ແມ່ນປຸກປັ່ນໃຫ້ຮ້າຍແຮງເຂົ້າ.ພ້ອມກັນນັ້ນ,ທ່ານກໍຕິຕຽນສື່ມວນຊົນຂອງປະເທດຝ່າຍຕາເວັນຕົກປະຕິບັດສອງມາດຖານໃນການແຈ້ງຂ່າວກ່ຽວກັບມຸສລິມ.
ວັນທີ3ກັນຍາ,ສື່ມວນຊົນອິນໂດເນເຊຍແຈ້ງຂ່າວວ່າ,ໃນເວລາກ່າວຄຳປາໄສໃນກອງປະຊຸມສົນທະນາລະຫວ່າງສື່ມວນຊົນສາກົນທີ່ຈັດຂຶ້ນຢູ່ເກາະບາລີໃນວັນທີ2ກັນຍາ,ທ່ານຊູຊີໂລເວົ້າວ່າ,ຖ້າຜູ້ເສຍຊີວິດໃນການປະທະກັນຫາກບໍ່ແມ່ນຊາວມຸສລິມແລ້ວ,ສື່ມວນຊົນຝ່າຍຕາເວັນຕົກກໍມັກໂຄສະນາເປັນການໃຫຍ່,ແຕ່ຖ້າແມ່ນຊາວມຸສລິມເສຍຊີວິດຢູ່ປາເລັສຕິນ ອີຣັກແລະລີບັງແລ້ວ,ເຂົາກໍແຈ້ງຂ່າວແຕ່ໜ້ອຍດຽວເທົ່ານັ້ນ.ທ່ານຍັງໄດ້ຍົກເອົາຄວາມເວົ້າຂອງທ່ານໂກຟີ ອານນານ ເລຂາທິການໃຫຍ່ອົງການສະຫະປະຊາຊາດມາແຈ້ງວ່າ,"ພວກຂ້າພະເຈົ້າເຊື່ອໝັ້ນວ່າ,ຄວາມເສລີແລະຄວາມຮັບຜິດຊອບຂອງສື່ມວນຊົນຄວນພົວພັນກັນ,ຄວນເຄົາລົບຄວາມເຊື່ອຖືທາງສາສະໜາທັງໝົດ.
|
|
