|
|
 |
| (GMT+08:00)
2006-09-04 15:34:13
|
|
ທິມແອສປາຍຊີງໄດ້ແຊມປຽມໃນງານແຂ່ງຂັນບານບ້ວງເພດຊາຍຊີງຂັນໂລກປີ 2006
cri
Author: sayvanny
ຕາມຂ່າວ CRI: ງານແຂ່ງຂັນບານບ້ວງເພດຊາຍຊີງຂັນໂລກປີ 2006 ທີ່ຈັດຂຶ້ນຢູ່ຊາອີຕາມາ ແຫ່ງຍີ່ປຸ່ນໄດ້ປິດລົງແລ້ວໃນຕອນຄ່ຳວັນທີ 3 ກັນຍາ.ທິມແອສປາຍທີ່ຂາດທ້າວກາໂຊນ ດາຣານ້ຳເບີຫນຶ່ງໄດ້ເອົາຊະນະທິມເກັຼກທີ່ເປັນແຊມປຽມເອີລົບດ້ວຍຄະແນນ 70:47, ຊີງໄດ້ແຊມປຽມໃນງານແຂ່ງຂັນບານບ້ວງເພດຊາຍຊີງຂັນໂລກເປັນເທື່ອທຳອິດໃນປະຫວັດສາດ.
ຍ້ອນຖືກບາດເຈັບໃນການແຂ່ງຂັນຮອບຮອງຊະນະເລີດ,ທ້າວກາໂຊນມີແຕ່ນັ່ງເປັນນັກກິລາສຳຮອງ. ເມື່ອການແຂ່ງຂັນສິ້ນສຸດລົງແລ້ວ, ທ້າວກາ ໂຊນໄດ້ຖືກສະຫະພັນບານບ້ວງສາກົນຄັດເລືອກໃຫ້ເປັນນັກກິລາບານບ້ວງທີ່ມີຄຸນຄ່າກວ່າຫມູ່ໃນງານແຂ່ງຂັນເທື່ອນີ້.
ໃນການແຂ່ງຂັນຊີງຫລຽນທອງເມື່ອຫນຶ່ງມື້ກ່ອນ, ທິມອາເມລິກາໄດ້ເອົາຊະນະທິມອາກຊັງຕິນດ້ວຍຄະແນນ 96:81.
ງານແຂ່ງຂັນບານບ້ວງເພດຊາຍຊີງຂັນໂລກຄັ້ງຫນ້າຈະຈັດຂຶ້ນຢູ່ຕວກກີໃນປີ 2010.
|
|
|
