|
|
 |
| (GMT+08:00)
2006-09-04 18:14:34
|
 |
|
ນາງກຼໍເຣຍ ອາໂລໂຢ ປະທານາທິບໍດີຟີລິບປີນພົບປະທ່ານລີວຢຸນຊານ
cri
Author: MO
ຕາມຂ່າວສານຊີນຮວາ: ວັນທີ 4 ກັນຍາ, ຢູ່ທຳນຽບປະທານາທິບໍດີທີ່ມານີລາ, ນາງກຼໍເຣຍ ອາໂລໂຢ ປະທານາທິບໍດີຟີລິບປິນໄດ້ພົບປະທ່ານລິວຢຸນຊານ ກຳມະການກົມການເມືອງສູນການພັກກອມມູນິດຈີນ, ສອງຝ່າຍໄດ້ໂອ້ລົມກັນຢ່າງມີໄມຕີຈິດແລະສະໜິດສະໜົມກ່ຽວກັບການພົວພັນສອງພັກສອງລັດແລະບັນຫາທີ່ສົນໃຈນຳກັນ.
ທ່ານລີວຢຸນຊານກ່າວວ່າ, ຈີນຍ້ອງຍໍໃນລະດັບສູງຕໍ່ລັດຖະບານຟີລິບປີນທີ່ຍຶດໝັ້ນນະໂຍບາຍຈີນດຽວເປັນເວລາຍາວນານມາແລ້ວ, ແລະຫວັງໃຫ້ການຮ່ວມມືກັນເປັນໄປຢ່າງຈິງອົກຈິງໃຈແລະສະເໝີພາບ, ພັດທະນາແລະຈະເລີນຮຸ່ງເຮືອງພ້ອມກັນກັບຟີລິບປິນ, ເປັນບ້ານໃກ້ເຮືອນຄຽງທີ່ດີ, ເພື່ອນມິດທີ່ດີແລະໝູ່ຄູທີ່ດີຈົນເທົ້າໃດໆ.
ນາງອາໂລໂຢກ່າວວ່າ, ການຮ່ວມມືລະຫວ່າງຟີລິບປີນກັບຈີນໃນຂົງເຂດຕ່າງໆເຊັ່ນການເມືອງ ເສດຖະກິດແລະຄວາມປອດໄພເປັນຕົ້ນໄດ້ລົງສູ່ລວງເລິກຢ່າງບໍ່ຢຸດຢັ້ງ, ໂດຍສະເພາະແມ່ນໄດ້ຮັບການຄືບໜ້າສຳຄັນໃນການຮ່ວມມືຢູ່ທະເລຈີນໃຕ້, ສອງຝ່າຍຈະພະຍາຍາມຮ່ວມກັນ, ເຮັດໃຫ້ທະເລຈີນໃຕ້ຈາກທະເລທີ່ຂັດແຍ່ງກັນກາຍເປັນທະເລທີ່ຮ່ວມມືກັນ. ນາງອາໂລໂຢຂອບໃຈນຳຈີນໄດ້ໃຫ້ການສະໜັບສະໜູນແລະການຊ່ອຍເຫຼືອອັນລ້ຳຄ່າແກ່ການພັດທະນາເສດຖະກິດສັງຄົມຂອງຟີລິບປິນ, ກ່າວວ່າ, ລັດຖະບານຟີລິບປີນຈະຍຶດໝັ້ນໃນນະໂຍບາຍຈີນດຽວ.
|
|
|
