|
ຕາມຂ່າວສານຊິນຮວາ:ວັນທີ4ກັນຍາ,ຢູ່ທີ່ນະຄອນຫຼວງພະນົມເປັນ,ທ່ານຮຸນແຊນ ນາຍົກລັດຖະມົນຕີກຳປູເຈຍໄດ້ພົບປະທ່ານຈີ່ນເຢີ໋ນຊີ້ງ ລັດຖະມົນຕີວ່າການກະຊວງການເງິນຈີນ.ທ່ານຮຸນແຊນກ່າວວ່າ,ການພົວພັນລະຫວ່າງກຳປູເຈຍກັບຈີນພວມຢູ່ໃນໄລຍະທີ່ດີກວ່າໝູ່ໃນປະຫວັດສາດ,ເພື່ອຜົນປະໂຫຍດຂອງປະຊາຊົນສອງປະເທດ,ສອງຝ່າຍຄວນຊຸກຍູ້ການພົວພັນຮ່ວມມືມິດຕະພາບໃຫ້ສືບຕໍ່ຂະຫຍາຍຕົວໄປໜ້າ.
ທ່ານຮຸນແຊນເວົ້າວ່າ,ທ່ານເຄີຍພົບປະກັບທ່ານຫູຈິນທາວ ປະທານປະເທດຈີນແລະທ່ານເວີ່ນເຈຍປາວ ນາຍົກລັດຖະມົນຕີຈີນຫຼາຍເທື່ອກ່ຽວກັບບັນຫາການເມືອງແລະເສດຖະກິດທີ່ສອງຝ່າຍສົນໃຈນຳກັນ,ຄວາມໄວ້ເນື້ອເຊື່ອໃຈທາງການເມືອງຂອງສອງຝ່າຍນັບມື້ນັບເພິ່ມຂຶ້ນ.ທ່ານກ່າວເນັ້ນວ່າ,ຈີນຊ່ອຍເຫຼືອກຳປູເຈຍແມ່ນມີຄວາມຈິງໃຈ,ບໍ່ມີເງື່ອນໄຂໃດໆຜູກມັດ,ນີ້ມີຄວາມໝາຍສຳຄັນຕໍ່ການຮັກສາສະຖານະການການເມືອງກຳປູເຈຍໃຫ້ສະຖຽນລະພາບແລະຊຸກຍູ້ເສດຖະກິດກຳປູເຈຍໃຫ້ພັດທະນາ.
ທ່ານຈີ່ນເຢີ໋ນຊີ້ງກ່າວວ່າ,ຝ່າຍຈີນຈະຕັ້ງໜ້າຈັດຕັ້ງປະຕິບັດສັນຍາ ຕ່າງໆທີ່ລົງນາມໃນໄລຍະນາຍົກລັດຖະມົນຕີເວີນເຈຍປາວຢ້ຽມຢາມກຳປູເຈຍ,ຊຸກຍູ້ການພົວພັນລະຫວ່າງສອງປະເທດໃຫ້ຂະຫຍາຍຕົວ.
|
