|
ອາເມລິກາກ່າວວ່າຖ້າສປປເກົາຫຼີກັບຄືນສູ່ການເຈລະຈາຫົກຝ່າຍກໍຍິນດີຈັດການເຈລະຈາສອງຝ່າຍກັບສປປເກົາຫຼີ
cri
ຕາມຂ່າວCRI,ວັນທີ11ກັນຍາ,ຢູ່ທີ່ເຊອຸນ ນະຄອນຫຼວງສ.ເກົາຫຼີ,ທ່ານຄຼິສໂຕເຟີ ຮີວ ລັດຖະມົນຕີຊ່ວຍວ່າການກະຊວງການຕ່າງປະເທດອາເມລິກາ ຫົວໜ້າຄະນະຜູ້ແທນອາເມລິກາຂອງການເຈລະຈາຫົກຝ່າຍກ່ຽວກັບບັນຫານິວເຄຼຍແຫຼມເກົາຫຼີກ່າວວ່າ,ຖ້າສປປເກົາຫຼີກັບຄືນສູ່ການເຈລະຈາຫົກຝ່າຍ,ອາເມລິກາຈະຍິນດີຈັດການເຈລະຈາສອງຝ່າຍກັບເຂົາ.
ມື້ດຽວກັນ,ທ່ານຮີວໄດ້ເດີນທາງໄປຮອດເຊອຸ່ນເລີ່ມຢ້ຽມຢາມສ.ເກົາຫຼີ.ຢູ່ເດີ່ນຍົນ,ທ່ານກ່າວວ່າ,ອາເມລິກາຫວັງໃຫ້ສປປເກົາຫຼີຈົ່ງກັບຄືນສູ່ການເຈລະຈາຫົກຝ່າຍໂດຍໄວ,ແລະກຽມຢູ່ທຸກເວລາຈະປະຕິບັດຕາມຖະແຫຼງການຮ່ວມທີ່ການເຈລະ ຈາຫົກຝ່າຍຮອບ4ຜ່ານຮັບຮອງ.ທ່ານຮີວຍັງກ່າວວ່າ,ເພື່ອແກ້ໄຂບັນຫານິວເຄຼຍແຫຼມເກົາຫຼີ,ບໍ່ມີຄວາມຈຳເປັນທີ່ຈະຈັດການເຈລະຈາຫຼາຍຝ່າຍໃດໆນອກຈາກການເຈລະຈາຫົກຝ່າຍ.
|
|
