|
ຜູ້ຕາງໜ້າພິເສດກ່ຽວກັບບັນຫາອີຣັກຂອງອົງການສະຫະປະຊາຊາດເວົ້າວ່າ, ອີຣັກພວມປະເຊີນໜ້າກັບສິ່ງທ້າທາຍທີ່ບໍ່ເຄີຍມີມາກ່ອນ
cri
Author: min
ຕາມຂ່າວສານຊິນຮວາ: ວັນທີ 14 ກັນຍາ, ຢູ່ສຳນັກງານໃຫຍ່ອົງການສະຫະປະຊາຊາດທີ່ນິວຢອກ, ທ່ານອາສຣັຟ ຄາຊີ ຜູ້ຕາງໜ້າພິເສດກ່ຽວກັບບັນຫາອີຣັກຂອງອົງການສະຫະປະຊາຊາດເວົ້າວ່າ, ປະຈຸບັນ, ອີຣັກໄດ້ກາຍເປັນປະເທດໜຶ່ງທີ່ມີເຫດການກໍ່ຄວາມຮຸນແຮງເກີດຂຶ້ນຫຼາຍກວ່າໝູ່ໃນໂລກ, ອີຣັກພວມປະເຊີນໜ້າກັບສິ່ງທ້າທາຍທີ່ບໍ່ເຄີຍມີມາກ່ອນ.
ມື້ດຽວກັນ, ໃນການເປິກສາຫາລືແບບເປີດເຜີຍກ່ຽວກັບບັນຫາອີຣັກທີ່ສະພາຄວາມໝັ້ນຄົງອົງການສະຫະປະຊາຊາດຈັດຂຶ້ນນັ້ນ, ທ່ານອາສຣັຟ ຄາຊີ ປະກອບຄຳຄິດຄຳເຫັນວ່າ, ຢູ່ອີຣັກ, ການເຄື່ອນໄຫວກໍ່ການຮ້າຍ, ເຫດການກໍ່ຄວາມຮຸນແຮງແລະການກະທຳທີ່ລ່ວງລ້ຳສິດທິມະນຸດໄດ້ເກີດຂຶ້ນເລື້ອຍໆ, ຊຶ່ງໄດ້ນຳເອົາໄພພິບັດອັນຮ້າຍແຮງມາໃຫ້ປະຊາຊົນອີຣັກ. ທ່ານເຫັນວ່າ, ສິ່ງທ້າທາຍທີ່ໃຫຍ່ກວ່າໝູ່ທີ່ລັດຖະບານອີຣັກປະເຊີນແມ່ນວາງແຜນການປອງດອງຊາດອັນແທ້ຈິງສະບັບໜຶ່ງທີ່ສ່ອງແສງໃຫ້ເຫັນເຖິງຄວາມຕ້ອງການແລະຄວາມປາຖະໜາຂອງປະຊາຊົນອີຣັກທຸກຖ້ວນໜ້າຢ່າງແທ້ຈິງ.
ທ່ານຄາຊີຮຽກຮ້ອງໃຫ້ປະຊາຄົມໂລກສະໜັບສະໜູນຄວາມພະຍາຍາມຂອງລັດຖະບານອີຣັກເພື່ອບັນລຸການປອງດອງຊາດ.
|
|
