ຕາມ​ຂ່າວcri:ວັນ​ທີ20 ກັນຍາ,ພົນ​ເອກສົນທິ ບຸນ​ຍະຣັດ​ກະລິນ​ ຜູ້ນບັນຊາ​ການໃຫຍ່​ຂອງ​ກອງທັບ​ໄທ​ທີ່​ກໍ່​ລັດຖະປະຫານຜູ້​ບັນຊາ​ການ​ກອງ​ທັບ​ບົກຂອງ​ໄທ​ປະກາດ​ວ່າ,​ແມ່ທັບ​ພາກທີໜຶ່ງ,ທີສອງ,ທີສາມ​ແລະ​ທີສີ່​ໄດ້ຖືກ​ມອບ​ໝາຍ​ໜ້າ​ທີ່​ຮັກສາ​ຄວາມ​ປອດ​ໄພ​ພາຍ​ໃນ​ປະ​ເທດ​ນອກຈາກ​ເຂດບາງກອກນັ້ນ​ຢ່າງ​ເຕັມທີ່.

ຕອນຮຸ່ງ​ເຊົ້າ​ມື້​ດຽວ​ກັນ,ພົນ​ເອກ​ສົນທິ ບຸນ​ຍະຣັດກະສິນ​ໄດ້ປະກາດ​ຂ່າວ​ນີ້​ໃຫ້​ສາທາລະນະ​ຊົນ​ຊາບ​ຜ່ານ​ທາງສະຖານີ​ໂທລະພາບຊ່ອງ5ຂອງ​ໄທ.ທ່ານ​ກ່າວ​ວ່າ,ການ​ເຄື່ອ​ນ​ໄຫວທາງ​ການ​ທະຫານ​ໃດໆທີ່​ລື່ນ​ກາຍ​ຄຳ​ສັ່ງ​ຂອງ​​ແມ່ທັບ​ທັງ4ທ່ານ​ລ້ວນ​ແຕ່​ຈະ​ຖືກ​ລົງ​ໂທດ​ຢ່າງ​ເຂັ້ມ​ງວດ.ສ່ວນທ່ານເອງ​ຈະ​ຮັບຜິດຊອບວຽກ​ງານ​ຄວາມ​ປອດ​ໄພ​ຂອງ​ເຂດ​ບາງກອກ​.

ສື່​ມວນ​ຊົນ​ໄທ​ເຫັນ​ວ່າ,ທີ່​ຈິງ​ແລ້ວ,ຄຳ​ສັ່ງ​ດັ່ງກ່າວຂອງ​ພົນ​ເອກ​ສົນທິ ບຸນ​ຍະຣັດກະສິນ​ເທົ່າ​ກັບ​ປະກາດວ່າ​ທົ່ວ​ປະ​ເທດຢູ່​ໃນສະພາວະ​ສຸກ​ເສີນ.