|
ຕາມຂ່າວCRI, ວັນທີ20ກັນຍາ,ສົມເດັດພູມິພົນ ອະດູນຍະເດດ ເຈົ້າຊີວິດໄທໄດ້ມີພະລາດຊະໂອງການແຕ່ງຕັ້ງໃຫ້ພົນເອກສົນທິ ບຸນຍະຣັດກະລິນເປັນຫົວໜ້າຄະນະປະຕິຮູບການປົກຄອງໄທ.
ທ່ານພົນເອກສົນທິດບຸນຍະຣັດກະລິນ
ໃນພະລາໂອງການຂຽນວ່າ,ເພື່ອຟື້ນຟູສະຖຽນລະພາບແລະຄວາມເປັນລະບຽບຂອງຊາດ,ຊົງແຕ່ງຕັ້ງໃຫ້ພົນເອກສົນທິເປັນຫົວໜ້າຄະນະປະຕິຮູບການປົກຄອງໄທ,ຫວັງໃຫ້ປະຊາຊົນທົ່ວປະເທດຈົ່ງຮັກສາຄວາມສະຫງົບ,ໃຫ້ລັດຖະກອນແລະຜູ້ປະຕິບັດງານອື່ນໆໃນລັດຖະບານຈົ່ງປະຕິບັດຕາມຄຳສັ່ງຂອງພົນເອກສົນທິແຕ່ນີ້ເປັນຕົ້ນໄປ.
ວັນທີ20ກັນຍາ,ທ່ານຊີນກ່າງໂຄສົກກະຊວງການຕ່າງປະເທດຈີນກ່າວວ່າ,ການປ່ຽນແປງຂອງສະຖານະການໃນປະເທດໄທແມ່ນວຽກງານພາຍໃນຂອງໄທ,ລັດຖະບານຈີນປະຕິບັດຕາມຫຼັກການທີ່ບໍ່ແຊກແຊງວຽກງານພາຍໃນຂອງປະເທດອື່ນຕະຫຼອດມາ.ຈີນກັບໄທແມ່ນປະເທດໃກ້ຄຽງທີ່ມີໄມຕີຈິດຕໍ່ກັນ,ຂໍອວຍພອນໃຫ້ໄທຈົ່ງມີຄວາມກົມກຽວກັນແລະຈະເລີນຮຸ່ງເຮືອງ,ປະເທດມີຄວາມສະຫງົບປະຊາຊົນຢູ່ເຢັນເປັນສຸກ,ການພົວພັນມິດຕະພາບລະຫວ່າງຈີນກັບໄທຈະຂະຫຍາຍຕົວໄປຢ່າງບໍ່ຢຸດຢັ້ງ.
ທ່ານໂກຟີ ອານນານເລຂາທິການໃຫຍ່ສະຫະປະຊາຊາດໄດ້ອອກຖະແຫຼງການ,ຮຽກຮ້ອງໃຫ້ໄທຈົ່ງຟື້ນຟູລະບອບການເມືອງພົນລະເຮືອນແລະປະຊາທິປະໄຕ,ແລະຈັດການເລືອກຕັ້ງທົ່ວໄປໂດຍໄວ.ທ່ານໂທນີ ສະໂນ ໂຄສົກທຳນຽບຂາວອາເມລິກາກ່າວວ່າ,ອາເມລິກາຮູ້ສຶກຜິດຫວັງຕໍ່ໄທທີ່ເກີດລັດຖະປະ ຫານແລະຫວັງວ່າໄທຈົ່ງຟື້ນຟູລະບອບປະຊາທິປະໄຕໂດຍໄວ.
ຕອນຄ່ຳວັນທີ20ກັນຍາທ່ານທັກສິນ ຊິນນະວັດ ນາຍົກລັດ ຖະມົນຕີຮັກສາການຂອງໄທທີ່ຖືກໂຄ່ນລົ້ມໃນການລັດຖະປະຫານໄດ້ຂີ່ຍົນເດີນທາງຈາກນິວຢອກໄປຮອດລອນດອນ ນະຄອນຫຼວງອັງກິດ,ເພື່ອຢ້ຽມຢາມສ່ວນຕົວ.ທ່ານບໍ່ໄດ້ສະເໜີຄຳຮ້ອງຂໍເພື່ອພົບປະເຈົ້າໜ້າທີ່ລັດຖະບານອັງກິດຜູ້ໃດໆ.
|
