ຕາມ​ຂ່າວCRI:ຕອນ​ບ່າຍ​ວັນ​ທີ22​ກັນຍາ,​ໃນ​​ເວລາ​​ໃຫ້​ສຳ​ພາດ​ຕໍ່​ນັກ​ຂ່າວ,ໂຄສົກ​ຄະນະ​ປະຕິຮູບ​ການປົກ​ຄອງຂອງ​ໄທເວົ້າ​ວ່າ,ປັດ​ຈຸ​ບັນ,ສະ​ຖານະ​ການ​ລວມ​ຂອງ​ໄທ​ຫຼັງ​ລັດຖະ​ປະຫານ​ໃກ້ຈະ​ເປັນ​ປົກ​ກະຕິ​ແລ້ວ.

ໂຄສົກ​ຜູ້​ນີ້​ກ່າວ​ວ່າ,ດຽວ​ນີ້,ຄະນະ​ປະຕິ​ຮູບ​ການ​ປົກຄອງ​ພວມ​ເລັ່ງລັດ​ຊຳລະ​ແກ້​ໄຂວ​ຽກງານສຸກ​ເສີນຈຳ​ນວນ​ໜຶ່ງ,ກວມທັງ​​ການວາງ​ແຜນ​ງົບປະ​ມານ​ປີ2007,​ການຍ້າຍ​ຂ້າ​ລັດ​ຊະ​ການປະຈຳ​ປີ​, ​ສະ​ໜອງ​ການ​ຊ່ອຍ​ເຫຼືອ​​ແກ່​ຜູ້​ປະສົບ​ໄພນ້ຳ​ຖ້ວມ,​ພ້ອມ​ທັງ​ແກ້​ໄຂບັນ​ຫາ​ບໍ່ສະຫງົບຢູ່3​ຈັງ​ຫວັດ​ພາກ​ໃຕ້​ຂອງ​ໄທ​ເປັນ​ຕົ້ນ.ຄະນະ​ປະຕິ​ຮູບ​ການ​ປົກຄອງ​ຍັງ​ຕົກລົງ​ຈັດ​ກອງ​ປະຊຸມ​ໃນ​ຕອນ​ເຊົ້າ​ທຸກ​ມື້​​​ເພື່ອ​ຫາລື​ເລື່ອງ​ຕ່າງໆ​ທີ່​ກ່ຽວຂ້ອງ,​​ເພື່ອ​ຊຸກ​ຍູ້​ວຽກ​ງານ​ຕ່າງໆ​​ໃຫ້ດຳ​ເນີນ​ໄປ​ຢ່າງ​ວ່ອງ​ໄວ.