ຕາມ​ຂ່າ​ວCRI:ວັນ​ທີ25​ກັນຍາ,ທ່ານ​ວິ​​ໄນ ພັດ​ທິຍະ​ກຸນ ​ເລຂາທິ​ການ​ຄະນະ​ປະຕິ​ຮູບ​ການ​ປົກຄອງ​​ໃນ​ລະບອບ​ປະຊາ​ທິປະ​ໄຕ​ໄທ​ໄດ້​ຈັດ​ງານ​ຖະ​ແຫຼງ​ຂ່າວປະກາ​ດວ່າ,ຄະນະ​ປະຕິ​ຮູບ​ການ​ປົກຄອງ​​ໄດ້​ສຳ​ເລັດ​ວຽກ​ງານຮ່າງ​ລັດຖະທຳ​ມະນູນ​ຊົ່ວຄາວ​ແລ້ວ,​ແລະ​ຈະ​ປະກາດຜູ້​ທີ່​ຈະ​ຮັບ​ນາຍົກ​ລັດຖະບານ​ຂ້າມ​ຜ່ານ​ໃນ​ອາທິດ​ໜ້າ.

ທ່ານ​ວິ​ໄ​ນ​ຍັງ​ເວົ້າ​ວ່າ,​ເມື່ອ​ລັດຖະບານ​ຂ້າມ​ຜ່ານ​ໄດ້​ສ້າງ​ຕັ້ງ​ຂຶ້ນ​ແລ້ວ,ຈະ​ຈັດ​ຕັ້ງ​ສະພາ​ລະຊະ​ດອນທີ່​ປະກອບ​ດ້ວຍ​2000​ຄົນ,​ແລະໃຫ້​ສະພາ​ດັ່ງກ່າວ​ເລືອກ​ເອົາ​ກຳ​ມະການ​ຂອງຄະ​ນະກຳ​ມະການດັດ​ແກ້​ລັດ​ຖະ​ທຳ​ມະນູນ,ເພື່ອ​ດັດ​ແກ້ລັດ​ຖະທຳ​ມະນູນ​ຄືນ​ໃໝ່.ທ່ານ​ຄາດວ່າ​ຂະບວນ​ການດັດ​ແກ້ລັດ​ຖະທຳ​ມະນູນ​ຈະ​ກິນ​ເວລາ​8ເດືອນ​ເຄິ່ງ,ແລ້ວຈະ​ຈັດການ​ເລືອກຕັ້ງ​ທົ່ວ​ໄປຮອບ​ໃໝ່.

ມື້ດຽວ​ກັນ,ຄະນະ​ປະຕິ​ຮູບ​ການ​ປົກຄອງ​ຂອງ​ໄທໄດ້​ອອກປະກາດ​​ໂດຍ​ຜ່ານ​ໂທລະພາບ,ກ່າວ​ເນັ້ນ​ວ່າ​ໄທ​ຈະ​ສືບ​ຕໍ່ປະຕິບັດ​ນະ​ໂຍບາຍ​ເສດຖະກິດ​ເສລີ,ສົ່ງ​ເສີມ​ເສດຖະ​ກິດ​ສ່ວນບຸກ​ຄົນເສີມ​ຂະຫຍາຍ​ບົດບາດ​ນຳ​ທາງໃນ​ເສດຖະvກິດ​ແຫ່ງ​ຊາດ,ຊຸກ​ຍູ້​ການ​ລົງທຶນ​ພາຍ​ໃນ​ປະ​ເທດ​​ແລະ​ຕ່າງປະ​ເທດ​ການ​ສົ່ງ​ອອກ,ສືບ​ຕໍ່​ປະຕິ​ບັດ​ນະ​ໂຍບາຍ​​ເງິນ​ທຶນ​ເຂົ້າ​ອອກ​ຢ່າງເສລີ.