|
ຕາມຂ່າວສານຊິນຮວາ:ວັນທີ25ກັນຍາ,ໃນເລລາປະກອບຄຳເຫັນໃນກອງປະຊຸມຂອງສະມັດຊາໃຫຍ່ສະຫະປະຊາຊາດຄັ້ງທີ61,ຜູ້ຕາງໜ້າຂອງບາງປະເທດພວມພັດທະນາຮຽກຮ້ອງປະຊາຄົມໂລກໃຫ້ເອົາໃຈໃສ່ນຳຄວາມຫຍຸ້ງຍາກແລະສິ່ງທ້າທາຍທີ່ປະເທດພວມພັດທະນາປະເຊີນໃນບັນຫາການພັດທະນາ,ຊ່ອຍປະເທດພວມພັດທະນາໃຫ້ປັບຕົວເຂົ້າກັບຄວາມຕ້ອງການຂອງການພັດທະນາພາຍໃຕ້ເງື່ອນໄຂໂລກາພິວັດ.
ທ່ານທອງລຸນ ສີສຸລິດຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດລາວເວົ້າວ່າ,ຜົນປະໂຫຍດຂອງໂລກາພິວັດບໍ່ໄດ້ຖືກແບ່ງປັນຢ່າງສຳຫມ່ຳລສະເໝີກັນະຫວ່າງປະເທດພວມພັດທະນາກັບປະເທດທີ່ພັດທະນາແລ້ວ.ທ່ານຮຽກຮ້ອງໃຫ້ປະຊາຄົມໂລກຈົ່ງສ້າງສະພາບແວດລ້ອມທີ່ມີຜົນດີຕໍ່ການພັດທະນາ,ຮັບປະກັນຜົນປະໂຫຍດຂອງປະເທດພວມພັດທະນາຢ່າງແທ້ຈິງ.
ໃນເວລາປະກອບຄຳເຫັນ,ທ່ານຮໍ ນາມຮົງ ຮອງນາຍົກລັດຖະມົນຕີທັງເປັນລັດຖະມົນຕີວ່າການກະຊວງການຕ່າງປະເທດກຳປູເຈຍເວົ້າວ່າ,ເພື່ອລົບລ້າງຄວາມທຸກຍາກໃນທົ່ວໂລກ,ຕ້ອງໃຊ້"ຮູບການຮອບດ້ານແລະການເຄື່ອນໄຫວເປັນໝູ່ຄະນະ",ປະເທດທີ່ພັດທະນາແລ້ວຕ້ອງຜ່ອນຍານຂໍ້ຈຳກັດຕໍ່ປະເທດພວມພັດທະນາໃນດ້ານການໃຫ້ໂອກາດເຂົ້າສູ່ຕະຫຼາດ,ການລົງທຶນແລະເຕັກນິກເປັນຕົ້ນ,ເພື່ອຊ່ອຍເຫຼືອປະເທດພວມພັດທະນາໄລ່ທັນກະແສຟອງແຫ່ງໂລກາພິວັດ,ຫຼຸດຄວາມຜິດໂຕນກັນລະຫວ່າງຄວາມທຸກກັບຄວາມຮັ່ງ.
ຜູ້ຕາງໜ້ານີເຊ,ນີເຊອີແລະບົດສະວານາກໍ່ໄດ້ຮຽກຮ້ອງໃຫ້ຈັດການເຈລະຈາຮອບໂດຮາຄືນໃໝ່ໂດຍໄວ,ແລະເຮັດໃຫ້ໝາກຜົນຂອງການເຈລະຈາໄດ້ຮັບການຈັດຕັ້ງປະຕິບັດ.
|
