|
|
 |
| (GMT+08:00)
2006-09-26 16:48:28
|
 |
|
ໜັງສືພິມອາເມລິກາຮຽກຮ້ອງໃຫ້ນາຍົກລັດຖະມົນຕີຊຸດໃໝ່ຂອງຍີ່ປຸ່ນປະຕິບັດຕໍ່ປະຫວັດສາດຢ່າງຊື່ສັດ
cri
Author: cai
ຕາມຂ່າວສານຊີນຮວາ:ໜັງສືພິມ"ວໍຊີງຕັນໂພສດ໌"ຂອງອາເມລິກາສະບັບວັນທີ 25 ກັນຍາພິມບົດນຳຊີ້ອອກວ່າ,ນາຍົກລັດຖະມົນຕີຜູ້ຕໍ່ໄປຂອງຍີ່ປຸ່ນ"ຕ້ອງປະຕິບັດຕໍ່ປະຫວັດສາດຢ່າງຊື່ສັດ".
ບົດນຳຂຽນວ່າ,ທ່ານຈູນິຊິໂຣ ໂຄອິຊູມິ ນາຍົກລັດຖະມົນຕີຍີ່ປຸ່ນທີ່ຈະພົ້ນຕຳແໜ່ງໃນໄວໆນີ້ໄດ້ຍຶດໝັ້ນໄປນະມັດສະການວັດຢາຊືຄູນີທີ່ຕັ້ງປ້າຍອາດຊະຍາກອນສົງຄາມຊັ້ນໜຶ່ງຂອງສົງຄາມໂລກຄັ້ງທີ 2 ໃນໄລຍະທ່ານດຳລົງຕຳແໜ່ງນາຍົກລັດຖະມົນຕີ,ແລະດັດແກ້ການບັນທຶກສົງຄາມຂອງຍີ່ປຸ່ນໂດຍຜ່ານແບບຮຽນສ່ວນໜຶ່ງທີ່ລັດຖະບານອະນຸມັດ,ການກະທຳເຫຼົ່ານີ້ໄດ້ເຮັດໃຫ້ຈີນແລະປະເທດໃກ້ຄຽງອື່ນໆບໍ່ພໍໃຈຢ່າງຮຸນແຮງ."ຖ້າວ່າຍີ່ປຸ່ນບໍ່ເອົາຫົວຊານຳຄວາມຜິດພາດຂອງຕົນໃນເມື່ອກ່ອນ","ຄວາມພະຍາຍາມຂອງຍີ່ປຸ່ນເພື່ອຮັກສາຄວາມປອດໄພຂອງຕົນແລະແກ້ໄຂບັນຫາຫຍຸ້ງຍາກທາງການທູດນັ້ນກໍ່ຈະເຮັດໃຫ້ປະເທດໃກ້ຄຽງເຄັ່ງຕຶງຂຶ້ນ,ແລ້ວກໍ່ຈະທຳລາຍຄວາມໝັ້ນຄົງຂອງພາກພື້ນ,ຫາກບໍ່ແມ່ນຊຸກຍູ້ຄວາມໝັ້ນຄົງຂອງພາກພື້ນ".
ວັນທີ 20 ກັນຍາ,ທ່ານຊິນໂຈ ອາເບ ຫົວໜ້າຫ້ອງການລັດຖະບານຍີ່ປຸ່ນໄດ້ຮັບເລືອກຕັ້ງເປັນປະທານຊຸດທີ 21 ຂອງພັກເສລີປະຊາທິປະໄຕຍີ່ປຸ່ນ.ອີງຕາມລັດຖະທຳມະນູນຂອງຍີ່ປຸ່ນ,ເນື່ອງຈາກວ່າພັກເສລີປະຊາທິປະໄຕມີທີ່ນັ່ງກາຍເຄິ່ງໜຶ່ງໃນສະພາສູງແລະສະພາຕ່ຳ,ທ່ານອາເບຈະດຳລົງຕຳແໜ່ງນາຍົກລັດຖະມົນຕີຄົນໃໝ່ຂອງຍີ່ປຸ່ນ.
|
|
|
