|
ຕາມຂ່າວcri:ວັນທີ26 ກັນຍາ,ພົນເອກສົນທິ ບູນຍະຣັດກະລີນ ປະທານຄະນະປະຕິຮູບການປົກຄອງໄທກ່າວວ່າ,ຄະນະຊົ່ວຄາວທີ່ປະກອບດ້ວຍຜູ້ຊ່ຽວຊານກົດໝາຍແລະວິຊາການທາງສັງຄົມໄດ້ສຳເລັດການດັດແກ້ລັດຖະທຳມະນູນສະບັບຊົ່ວຄາວ,ທ້າຍອາທິດນີ້,ຄະນະປະຕິຮູບການປົກຄອງຈະຖວາຍລັດຖະທຳມະນູນສະບັບຊົ່ວຄາວແຕ່ເຈົ້າຊີວິດ,ຖ້າເຈົ້າຊີວິດລົງລາຍນາມເຫັນດີແລ້ວກໍ່ຈະຖືກນຳໃຊ້ໂດຍໄວ.
ມື້ດຽວກັນ,ພົນເອກສົນທິ ບູນຍະຣັດກະລີນຍັງກ່າວວ່າ,ຄະນະປະຕິຮູບການປົກຄອງຍັງບໍ່ທັນໄດ້ຕົກລົງກ່ຽວກັບນາຍົກລັດຖະມົນຕີລັດຖະບານຊົ່ວຄາວໃນຂັ້ນສຸດທ້າຍ,ຜູ້ຈະເປັນນາຍົກລັດຖະມົນຕີລັດຖະບານຊົ່ວຄາວຕ້ອງຜ່ານລະບຽບການປ່ອນບັດແບບປະຊາທິປະໄຕຢ່າງແນ່ນອນ.ເວລາດຽວກັນ,ທ່ານກ່າວເນັ້ນວ່າ,ພາຍຫຼັງລັດຖະບານຊົ່ວຄາວສ້າງຕັ້ງຂຶ້ນແລ້ວ,ຄະນະປະຕິຮູບການປົກຄອງ"ບໍ່ມີເຈດຕະນາຄອບງຳຫຼືຄວບຄຸມລັດຖະບານຊຸດໃໝ່".
|
