|
ຕາມຂ່າວສານຊິນຮວາ:ຫຼັງຈາກປະເທດສະມາຊິກສະຫະພາບເອີລົບຫືຼEUໄດ້ປ່ອນບັດຮັບຮອງແຜນຕ້ານການຂາຍເລເປັນທາງການຕໍ່ເກີບໜັງຈີນແລະຫວຽດນາມດ້ວຍທ່າແຮງເລັກນ້ອຍໃນວັນທີ4ຕຸລາ,ສະມາຄົມການຄ້າແລະອົງການຈັດຕັ້ງຜູ້ບໍລິໂພກສະຫະພາບເອີລົບໄດ້ພາກັນອອກຖະແຫຼງ,ກ່າວປະນາມມາດຕະການລັດທິປົກປ້ອງການຄ້າດັ່ງກ່າວ,ໂດຍກ່າວວ່າ,ນີ້ບໍ່ພຽງແຕ່ຈະສ້າງຄວາມເສຍຫາຍຕໍ່ຜົນປະໂຫຍດຂອງການຂາຍຍ່ອຍແລະຜູ້ບໍລິໂພກຂອງສະຫະພາບເອີລົບເທົ່ານັ້ນ,ຍັງບໍ່ມີຜົນດີຕໍ່ການຍົກກຳລັງແຂ່ງຂັນຂອງອຸດສາຫະກຳການຜະລິດຂອງສະຫະພາບເອີລົບໃຫ້ສູງຂຶ້ນອີກ.
ມື້ດຽວກັນ,ສະຫະພັນການຄ້າເອີລົບແລະອົງການຈັດຕັ້ງຜູ້ບໍລິໂພກເອີລົບທີ່ເປັນຕົວແທນຜົນປະໂຫຍດຂອງນັກທຸລະກິດນຳເຂົ້າແລະນັກທຸລະກິດຂາຍຍ່ອຍ ໄດ້ອອກຖະແຫຼງການຮ່ວມວ່າ,ສະຫະພາບເອີລົບຮຽກຮ້ອງໃຫ້ປະເທດອື່ນໆເປີດຕະຫຼາດຕື່ມອີກ,ແຕ່ຕົນເອງພັດປົກປ້ອງວິສາຫະກິດທີ່ຂາດກຳລັງແຂ່ງຂັນດ້ວຍພາສີຕ້ານການຂາຍເລ,ນີ້ເປັນສິ່ງທີ່ຂັດກັນ.
ມື້ດຽວກັນ,ສະຫະພັນການຄ້າການຕ່າງປະເທດເອີລົບກໍ່ໄດ້ອອກຖະແຫຼງການວ່າ,ມາດຕະການຕ້ານການຂາຍເລບໍ່ພຽງແຕ່ຈະບໍ່ເຮັດໃຫ້ວິສາຫະກິດຜະລິດເກີບຂອງເອີລົບໄດ້ຮັບຜົນປະໂຫຍດເທົ່ານັ້ນ,ຍັງອາດຈະເຮັດໃຫ້ຜູ້ຫວ່າງງານໃນອຸດສາຫະກຳຂາຍຍ່ອຍແລະການນຳເຂົ້າເພິ່ມຫຼາຍຂຶ້ນ,ພ້ອມກັນນັ້ນ ຈະສົ່ງຜົນກະທົບທາງລົບຕໍ່ຜູ້ບໍລິໂພກ.
|
