|
ຕາມຂ່າວສານຊິນຮວາ:ວັນທີ5ຕຸລາ,ນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາທີ່ພວມຢ້ຽມຢາມອີຣັກຢ່າງກະທັນຫັນກ່າວເຕືອນຜູ້ນຳອີຣັກວ່າ,ເວລາໃຫ້ພວກເພິ່ນແກ້ໄຂຄວາມເຫັນຂັດກັນທາງການເມືອງລະຫວ່າງຝ່າຍຕ່າງໆນັ້ນແມ່ນມີຄວາມຈຳກັດ,ປັດຈຸບັນ,ການປະທະກັນດ້ວຍກຳລັງຮຸນແຮງທີ່ເລື່ອນຂັ້ນຢ່າງຮອບດ້ານຢູ່ອີຣັກເຮັດໃຫ້ຄົນທົນບໍ່ໄຫວ.
ໃນໄລຍະການຢ້ຽມຢາມ,ນາງໄຣສ໌ໄດ້ພົບປະທ່ານໂນຣີ ອານມາລີກີ ນາຍົກລັດຖະມົນຕີ,ທ່ານຈາລາ ທາລາປານີ ປະທານາທິບໍດີແລະຜູ້ນຳຝ່າຍສາດສະໜາຈຳນວນໜຶ່ງຂອງອີຣັກ.
ນາງໄຣສ໌ກ່າວວ່າ,ບົດບາດຂອງອາເມລິກາແມ່ນສະໜັບສະໜູນແລະຊຸກຍູ້ບັນດາຝ່າຍອີຣັກແກ້ໄຂຄວາມເຫັນຂັດກັນຢ່າງວ່ອງໄວ.ນາງຍັງເວົ້າວ່າ,ມັນເດັ່ນຊັດແລ້ວວ່າ,ບັນຫາຄວາມປອດໄພແລະບັນຫາການເມືອງແມ່ນຕິດພັນກັນ.
|
