|
|
 |
| (GMT+08:00)
2006-10-09 19:01:41
|
 |
|
ລັດຖະມົນຕີວ່າການກະຊວງການຕ່າງປະເທດຂອງສ.ເກົາຫຼີ ອາເມລິກາແລະຍີ່ປຸ່ນຈັດກອງປະຊຸມທາງໂທລະສັບເພື່ອຫາລືບັນຫານິວເຄຼຍຂອງແຫຼມເກົາຫຼີ
cri
Author: cai
ຕາມຂ່າວCRI:ວັນທີ 9 ຕຸລາ,ທ່ານບານກີມູນ ລັດຖະມົນຕີວ່າການກະຊວງການຕ່າງປະເທດແລະການຄ້າສ.ເກົາຫຼີໄດ້ໂທລະສັບລົມກັບທ່ານນາງໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາແລະທ່ານທາໂຣ ອາໂຊ ລັດຖະມົນຕີວ່າການກະຊວງການຕ່າງປະເທດຍີ່ປຸ່ນ,ຫາລືດ່ວນກ່ຽວກັບຍຸດໂທບາຍຮັບມືກັບບັນຫາສ.ປ.ປ.ເກົາຫຼີທົດລອງນິວເຄຼຍ.
ໃນເວລາລົມໂທລະສັບ,ລັດຖະມົນຕີວ່າການກະຊວງການຕ່າງປະເທດຂອງ 3 ປະເທດເປັນເອກະສັນກັນຮຽກຮ້ອງໃຫ້ສະພາຄວາມໝັ້ນຄົງສະຫະປະຊາຊາດຫາລືກັນແລະໃຊ້ມາດຕະການທີ່ຈຳເປັນກ່ຽວກັບບັນຫາສ.ປ.ປ.ເກົາຫຼີທົດລອງນິວເຄຼຍ.ທ່ານນາງໄຣສ໌ຍັງກ່າວວ່າ,ລັດຖະບານອາເມລິກາໄດ້ຢືນຢັນອີກເທື່ອໜຶ່ງຕໍ່ຄວາມສຳຄັນຂອງພັນທະມິດທາງທະຫານສ.ເກົາຫຼີອາເມລິກາແລະສົນທິສັນຍາຮ່ວມປ້ອງກັນລະຫວ່າງອາເມລິກາກັບສ.ເກົາຫຼີ.
ຕາມຂ່າວແຈ້ງວ່າ,ຕອນບ່າຍມື້ດຽວກັນ,ລັດຖະມົນຕີວ່າການກະຊວງການຕ່າງປະເທດຂອງ 3 ປະເທດຍັງຈະຈັດການເຈລະຈາທາງໂທລະສັບ.ນອກນີ້,ທ່ານບານກີມູນຍັງຈະພົບປະເອກອັກຄະລັດຖະທູດອາເມລິກາປະຈຳສ.ເກົາຫຼີເພື່ອປະສານຫຼັກໝັ້ນທີ່ກ່ຽວຂ້ອງ.
|
|
|
