ຕາມ​ຂ່າວສານ​ຊິນ​ຮວາ:ວັນ​ທີ8 ຕຸລາ,ຢູ່​ຢາງ​ກຸ້ງ,ທ່ານນາຍ​ພົນ​ຈັດຕະວາ ຄຽວ​ຊານ ​ໂຄສົກ​ລັດຖະບານ​ທັງ​ເປັນ​ລັດຖະມົນຕີ​ວ່າການ​ກະຊວງ​ຖະ​ແຫຼງຂ່າວ​ມຽນມາກ່າວ​ຢ້ຳວ່າ,ມຽນມາ​ຈະ​ສື​ບຕໍ່ຊຸກຍູ້​ຂະ​ບວນວິວັດ​ສະພາ​ແຫ່ງ​ຊາດ​ເພື່ອ​ສ້າງ​ລັດຖະທຳ​ມະນູນ.

ທ່າ​ນາຍ​ພົນ​ຈັດຕະວາ​ຄຽວຊານ​ທັງ​ເປັນເຂ​ລາ​ທິການຂອງ​ຄະນະ​ກຳມະການ​ຮຽກ​ໄຂ​ປະຊຸມ​ຂອງສະພາ​ແຫ່ງ​ຊາດ​ເພື່ອ​ສ້າງ​ລັດຖະທຳ​ມະນູນ,​ ກ່ອນ​​ສະພາ​ແຫ່ງ​ຊາດ​ຟື້ນຟູ​ກອງ​ປະຊຸມໃນ​ວັນ​ທີ10 ຕຸລາ,ທ່ານ​​ໄດ້ຈັດ​ງານ​ຊຸມນຸມ​ນັກ​ຂ່າວ​ກ່ຽວ​ກັບ​ບັນຫາ​ກອງ​ປະຊຸມຂ່າວ.​ໃນ​ກອງ​ປະຊຸມ,ທ່ານ​ກ່າວວ່າ,​ເພື່ອ​ຜົນ​ປະ​ໂຫຍ​ດ​ແຫ່ງ​ຊາດຂອງ​ມຽນມາ,ມຽນມາ​ຕ້ອງການ​ລັດຖະທຳ​ມະນູນສະບັບ​ໜຶ່ງທີ່​ມີ​ພື້ນຖານ​ອັນ​ແໜ້ນໜາ,ຫາກບໍ່​ແມ່ນ​ລັດຖະທະ​ນູນ​ໃໝ່​ທີ່​ສ້າງ​ຂຶ້ນຢ່າງ​ຟ້າວ​ຟັ່ງ.

ແນ​ໃສ່​ຄວາມ​ຮ້ອງ​ຂໍສົນທະນາ​ທີ່​ສະຫະພັນ​ປະຊາທິປະ​ໄຕ​ເຊິ່ງ​ເປັນ​ພັກ​ຝ່າຍຄ້ານ​ຕົ້ນຕໍ​ທີ່​ປະຕິ​ເສດບໍ່​ເຂົ້າ​ຮ່ວມ​ກອງ​ປະຊຸມ​ສະພາ​ແຫ່ງ​ຊາດ​ເພື່ອ​ສ້າງ​ລັດຖະທຳ​ມະນູນສະ​ເໜີ​ອອກ​ມາ,ທ່ານ​ຄຽວຊານ​ກ່າວ​ວ່າ,​ສະ​ພາ​ແຫ່ງ​ຊາດ​ແມ່ນ​ສະຖານ​ທີ່​ສົນທະນາ​ທີ່ດີ​ທີ່​ສຸດ​ຂອງ​ຝ່າຍ​ຕ່າງໆ​ພາຍ​ໃນ​ປະ​ເທດ.​ໃນຂະນະດຽວ​ກັນ,ທ່ານ​ກ່າວ​ເຕືອນ​ວ່າ,ລັດຖະບານ​ຈະ​ທັບ​ມ້າງກົນ​ອຸ​ບາຍ​ໃດໆ​ທີ່​ທຳລາຍ​ສະພາ​ແຫ່ງ​ຊາດ.