ຕາມຂ່າວສານຈີນ:ວັນທີ9ຕຸລາ,ໃນເວລາໃຫ້ສຳພາດພິເສດຂອງນັກຂ່າວຂ່າວສານຈີນຢູ່ທີ່ວຽງຈັນ,ເຈົ້າໜ້າທີ່ສະຖານທູດຈີນປະຈຳລາວເວົ້າວ່າ,ທ່ານບົວສອນ ບຸບຜາວັນ ນາຍົກຜູ້ໃໝ່ຂອງລາວທີ່ໄດ້ຮັບເລືອກຕັ້ງໃນເດືອນມິຖຸນາ ຈະໄປເມືອງນານນີງ ເຂດກວາງຊີຂອງຈີນໃນທ້າຍເດືອນນີ້,ເຂົ້າຮ່ວມກອງປະຊຸມສຸດຍອດລະລຶກຈີນກັບອາຊຽນສ້າງການພົວພັນຄູ່ເຈລະຈາຄົບຮອບ15ປີ.
ທ່ານຫຼີເຂີອູ ທີ່ປຶກສາຂອງສະຖານທູດຈີນປະຈຳລາວກ່າວວ່າ,ການເຂົ້າຮ່ວມງານເອັກສໂປຈີນ-ອາຊຽນໄດ້ສ້າງໂອກາດທຸລະກິດໃຫ້ແກ່ວິສາຫະກິດລາວ,ເຟີນິເຈີຂອງລາວທີ່ເຂົ້າຮ່ວມງານວາງສະແດງກໍ່ຂາຍດິບຂາຍດີທີ່ສຸດ.ປີນີ້,ລາວຈະຈັດຕັ້ງວິສາຫະກິດຫຼາຍກວ່າເກົ່າເຂົ້າຮ່ວມງານເອັກສໂປ.ທ່ານບົວສອນ ນາຍົກລັດຖະມົນຕີລາວແລະຜູ້ນຳປະເທດອາຊຽນອື່ນໆຈະພ້ອມກັນເຂົ້າຮ່ວມກອງປະຊຸມສຸດຍອດລະລຶກຈີນກັບອາຊຽນສ້າງການພົວພັນຄູ່ເຈລະຈາຄົບຮອບ15ປີທີ່ຈັດຂຶ້ນໃນເວລາດຽວກັນກັບງານເອັກສໂປ.
ຕາມແນະນຳວ່າ,ໃນຫຼາຍປີມານີ້,ການໄປມາຫາສູ່ກັນດ້ານເສດຖະກິດການຄ້າລະຫວ່າງຈີນກັບລາວໄດ້ເພິ່ມຂຶ້ນຢ່າງວ່ອງໄວ,ແຕ່ເດືອນມັງກອນຫາເດືອນສິງຫາປີນີ້,ມູນຄ່າການຄ້າລະຫວ່າງສອງປະເທດມີ130ລ້ານໂດລາ.
|