|
ຕາມຂ່າວCRI:ວັນທີ12ຕຸລາ,ທ່ານຈັອດ ບຸສ ປະທານາທິບໍດີອາເມລິກາໄດ້ພົບປະທ່ານທາງເຈ່ຍຊວນ ຜູ້ຕາງໜ້າພິເສດຂອງປະທານປະເທດຈີນ,ທີ່ປຶກສາແຫ່ງລັດຈີນ.
ທ່ານທາງເຈ່ຍຊວນໄດ້ເລົ່າຄຳເວົ້າຂອງທ່ານປະທານຫູຈິນທາວທີ່ຝາກເຖິງທ່ານບຸສ,ແລະກ່າວເນັ້ນວ່າ,ການບັນລຸແຫຼມເກົາຫຼີປອດນິວເຄຼຍ,ຮັກສາສັນຕິພາບ ສະຖຽນລະພາບແລະຄວາມປອດໄພຂອງແຫຼມເກົາຫຼີແລະອາຊີຕາເວັນອອກສຽງເໜືອສອດຄ່ອງກັບຜົນປະໂຫຍດຮ່ວມຂອງຈີນກັບອາເມລິກາ,ທັງສອດຄ່ອງກັບຜົນປະໂຫຍດຮ່ວມຂອງບັນດາປະເທດອາຊີຕາເວັນອອກສຽງເໜືອ.ຈີນກັບອາເມລິກາຄວນເພິ່ມທະວີການຮ່ວມມື,ຮັບມືຢ່າງເໝາະສົມ,ປ້ອງກັນບໍ່ໃຫ້ສະຖານະການຊຸດໂຊມລົງຕື່ມຈົນບໍ່ສາມາດຄວບຄຸມໄດ້.ທ່ານກ່າວວ່າ,ບັນຫາກ່ຽວກັບແຫຼມເກົາຫຼີປອດນິວເຄຼຍພວມຢູ່ໃນໄລຍະທີ່ສົບສົນ,ສະນັ້ນຝ່າຍຕ່າງໆຄວນຮັບມືກັບເລື່ອງນີ້ຢ່າງໃຈເຢັນ,ຍຶດໝັ້ນແກ້ໄຂບັນຫາໂດຍຜ່ານການເຈລະຈາ,ທຳຄວາມພະຍາຍາມເພື່ອຈັດການເຈລະຈາ6ຝ່າຍຄືນໃໝ່.
ປະທານາທິບໍດີບຸສກ່າວເນັ້ນວ່າ,ຈີນກັບອາເມລິກາຄວນຮ່ວມມືໃຫ້ຫຼາຍຂຶ້ນກວ່າເກົ່າໃນດ້ານການຮັກສາສັນຕິພາບແລະສະຖຽນລະພາບຂອງອາຊີຕາເວັນອອກສຽງເໜືອ.ທ່ານກ່າວວ່າ,ຝ່າຍອາເມລິກາຍຶດໝັ້ນຜ່ານຈາກວິທີທາງການທູດ,ສະແຫວງຫາຊ່ອງທາງແກ້ໄຂບັນຫານິວເຄຼຍແຫຼມເກົາຫີຼໂດຍສັນຕິວິທີ.
|
