|
ຕາມຂ່າວCRI:ວັນທີ13ຕຸລາ,ໃນເວລາປະກອບຄຳຄິດຄຳເຫັນໃນກອງປະຊຸມກ່ຽວກັບຍຸດທະສາດຂະຫຍາຍການພົວພັນໝູ່ຄູ່ແບບໃໝ່ຂອງອາຟຼິກາຂອງສະມັດຊາໃຫຍ່ສະຫະປະຊາຊາດ,ທ່ານລີວເຈີ້ນມີນ ຮອງ ຜູ້ຕາງໜ້າຖາວອນຂອງຈີນປະຈຳສະຫະປະຊາຊາດໄດ້ແນະນຳມາດຕະການທີ່ຈີນສະໜັບສະໜູນການພັດທະນາປະເທດອາຟຼິກາຕໍ່ສະມັດຊາໃຫຍ່ສະຫະປະຊາຊາດຢ່າງຮອບດ້ານ.
ທ່ານລີວເຈີ້ນມີນເວົ້າວ່າ,ນັບແຕ່ປີ2000ມານີ້,ນັບລວມແລ້ວ,ລັດຖະບານຈີນໄດ້ຍົກເວັ້ນໜີ້ສິນຂອງປະເທດທຸກຍາກຂອງອາຟຼິກາທີ່ຕິດໜີ້ຢ່າງຫຼວງຫຼາຍແລະປະເທດດ້ອຍພັດທະນາກວ່າໝູ່31ປະເທດລວມ156ລາຍ,ຍອດມູນຄ່າມີ10ຕື້500ລ້ານຢວນ.ພ້ອມກັນນັ້ນ,ແຕ່ປີກາຍນີ້ເປັນຕົ້ນມາ,ລັດຖະບານຈີນຍັງໄເລິ່ມປະຕິບັດສູນພາສີຕໍ່ຜະລິດຕະພັນສ່ວນໜຶ່ງຂອງ25ປະເທດດ້ອຍພັດທະນາກວ່າໝູ່ຂອງອາຟຼິກາ.
ນອກນີ້,ທ່ານລີວເຈີ້ນມີນຍັງເວົ້າວ່າ,ປີກາຍນີ້,ນັບລວມແລ້ວ,ຈີນໄດ້ເຊີນ3000ກວ່າຄົນຂອງ50ກວ່າປະເທດແລະອົງການຈັດຕັ້ງພາກພື້ນອາຟຼິກາມາອົກຮົມຢູ່ຈີນ.ປັດຈຸບັນ,ມີນັກສຳມະນາກອນເກືອບ1100ຄົນຂອງ46ປະເທດອາຟິຼກາໄດ້ຮັບທຶນການສຶກສາທີ່ລັດຖະບານຈີນສະໜອງໃຫ້ມາຮຽນຢູ່ຈີນ.
|
