|
ນາຍົກລັດຖະມົນຕີໄທເວົ້າວ່າທ່ານທັກສິນ ຊິນນະວັດກັບເມືອປະເທດໄທໄດ້
cri
ຕາມຂ່າວCRI,ສື່ມວນຊົນໄທແຈ້ງຂ່າວວ່າ,ຕອນຄ່ຳວັນທີ14ຕຸລາ,ເມື່ອສິ້ນສຸດການຢ້ຽມຢາມລາວແລະເມືອຮອດບັງກອກແລ້ວ,ທ່ານພົນເອກສຸຣະຍຸດ ຈຸລານົນ ນາຍົກລັດຖະມົນຕີໄທກ່າວວ່າ,ໃນເວລາໂທລະສັບ,ທ່ານເຄີຍເວົ້າຕໍ່ທ່ານທັກສິນ ຊິນນະວັດວ່າ,ທ່ານທັກສິນຍັງແມ່ນພົນລະເມືອງໄທ,ມີສິດກັບເມືອປະເທດ,ເງື່ອນໄຂພຽງອັນດຽວກໍແມ່ນຕ້ອງແຈ້ງໃຫ້ລັດຖະບານໄທຊາບລ່ວງໜ້າກ່ຽວກັບວັນເວລາເມືອປະເທດ.
ຕັ້ງແຕ່ໄທໄດ້ເກີດການລັດຖະປະຫານໃນຕອນຄ່ຳວັນທີ19ກັນຍາມານີ້,ທ່ານທັກສິນກໍບໍ່ໄດ້ກັບເມືອປະເທດໄທຕະຫຼອດມາ.ຈົນຮອດປະຈຸບັນ,ທ່ານທັກສິນຍັງອາໄສຢູ່ລອນດອນແຫ່ງອັງກິດ,ຍັງບໍ່ທັນຕົກລົງວ່າຈະກັບເມືອປະເທດໄທຫຼືບໍ່.
ວັນທີ15ຕຸລາ,ເວັບໄຊຂອງໜັງສືພິມ Evening Standardຂອງອັງກິດແຈ້ງຂ່າວວ່າ,ຕອນຄ່ຳວັນທີ14ຕຸລາ,ທ່ານທັກສິນ ຊິນນະວັດ ອະດີດນາຍົກລັດຖະມົນຕີໄທໄດ້ໄປຢາມຜູ້ຊ່ຽວຊານດ້ານກົດໝາຍທີ່ຮັບຜິດຊອບວຽກງານຊາວຍົກຍ້າຍຂອງອັງກິດໂດຍສະເພາະ,ເພື່ອຊອກຮູ້ຂໍ້ມູນຂ່າວສານກ່ຽວກັບການອາໄສຢູ່ອັງກິດຢ່າງຖາວອນ.ຜູ້ຊ່ຽວຊານດ້ານກົດໝາຍເວົ້າວ່າ,ວີຊາຂອງທ່ານທັກສິນໃນປະຈຸບັນສາມາດອາໄສຢູ່ອັງກິດເປັນເວລາ3ເດືອນ,ຖ້າຢາກອາໄສເປັນເວລາດົນກວ່ານີ້ອີກກໍຕ້ອງສະແຫວງຫາການປົກປ້ອງ.
|
|
