|
|
 |
| (GMT+08:00)
2006-10-17 18:34:39
|
 |
|
ສ.ເກົາຫຼີແລະຣັດເຊຍເຫັນວ່າຕ້ອງແກ້ໄຂບັນຫານິວເຄຼຍແຫຼມເກົາຫຼີດ້ວຍການສົນທະນາ
cri
ຕາມຂ່າວCRI,ວັນທີ16ຕຸລາ,ທ່ານຢຸນໄທຢຸງ ໂຄສົກທຳນຽບປະທານາທິບໍດີສ.ເກົາຫຼີເວົ້າວ່າ,ມື້ດຽວກັນ,ທ່ານໂຣມຸຢຸນ ປະທານາທິບໍດີສ.ເກົາຫຼີແລະທ່ານວຼາດີເມຍ ປູຕິນ ປະທານາທິບໍດີຣັດເຊຍໄດ້ໂທລະສັບລົມກັນກ່ຽວກັບບັນຫາສປປເກົາຫຼີທົດລອງນິວເຄຼຍ.ສອງຝ່າຍເຫັນວ່າ,6ຝ່າຍໃນການເຈລະຈາກ່ຽວກັບບັນຫານິວເຄຼຍແຫຼມເກົາຫຼີຕ້ອງແກ້ໄຂບັນຫາດັ່ງກ່າວດ້ວຍການສົນທະນາກັນ.
ໃນເວລາໂທລະສັບ,ທ່ານໂຣມຸຢຸນເວົ້າວ່າ,ດຽວນີ້ຄວນພະຍາຍາມແກ້ໄຂບັນຫາດ້ວຍການສົນທະນາກັນ.ທ່ານຮຽກຮ້ອງໃຫ້ຜູ້ນຳຣັດເຊຍຈົ່ງເສີມຂະຫຍາຍບົດບາດອັນຕັ້ງໜ້າເພື່ອແກ້ໄຂສະພາບທີ່ບໍ່ໄປບໍ່ມາໃນປະຈຸບັນ.ທ່ານປູຕິນກ່າວເນັ້ນວ່າ,ໃຕ້ສະພາບການປະຈຸບັນ,ຜູ້ນຳຝ່າຍຕ່າງໆທີ່ກ່ຽວຂ້ອງກັບການເຈລະຈາຫົກຝ່າຍຄວນຕັ້ງໜ້າແລກປ່ຽນຄວາມຄິດຄວາມເຫັນແລະປຶກສາຫາລືກັນໂດຍຜ່ານຈາກຊ່ອງທາງຕ່າງໆ.ຕ້ອງແກ້ໄຂບັນຫາດ້ວຍການສົນທະນາກັນ,ຫາກບໍ່ແມ່ນເພີ່ມທະວີມາດຕະການລົງໂທດແຕ່ຢ່າງດຽວ.
ມື້ດຽວກັນ,ນາງຄັອນໂດຣີຊາໄລສ໌ ລັດຖະມົນຕີວ່າການກະຊວງການຕ່າງປະເທດອາເມລິກາເວົ້າວ່າ,ມະຕິກ່ຽວກັບສປປເກົາຫຼີທົດລອງນິວເຄຼຍທີ່ສະພາຄວາມໝັ້ນຄົງສະຫະປະຊາຊາດຮັບຮອງນັ້ນແມ່ນມະຕິທີ່ແຂງແຮງ,ປະຊາຄົມໂລກຈະພ້ອມກັນປະຕິບັດມະຕິດັ່ງກ່າວ.
|
|
|
