ຕາມ​ຂ່າວCRI:ວັນ​ທີ19​ຕຸ​ລາ,ທ່ານ​ຢາ​ຊູ​ຮີ​ຊາ ຊີ​ໂອຈາ​ຄີ ເລ​ຂາ​ທິການ​ລັດຖະ​ບານ​ຍີ່​ປຸ່ນ​ໄດ້ຕີ​ລາ​ຄາ​ສູງ​ຕໍ່​ຄວາມ​ພະຍາ​ຍາມ​ຂອງ​ຈີນ​ ​ເພື່ອ​ແກ້​ໄຂ​ບັນຫາ​ນິວ​ເຄຼຍ​ແຫຼມ​ເກົາ​ຫຼີ.

ມື້​ດຽວ​ກັນ,​ໃນ​​ກອງ​ປະຊຸມ​ຂ່າວທີ່​ຈັດ​ຂຶ້ນ​ຢູ່​ໂຕກຽວ,ທ່ານຊີ​ໂອຈາ​ຄີ ​ຢາ​ຊູ​ຮີ​ຊາ ໄດ້​ກ່າວ​ເຖິງ​ເລື່ອງ​ທ່ານ​ທາງ​​ເຈຍ​ຊວນ ທີ່​ປຶກສາ​ແຫ່ງ​ລັດ​ຈີນ​ຢ້ຽມ​ຢາມ​ສປປ​ເກົາ​ຫຼີ,ທ່ານ​ເວົ້າ​ວ່າ,ປະຊາ​ຄົມ​ໂລກ ​ເຊິ່ງລວມ​ທັງ​ຈີນ​ໄດ້​ໃຊ້​ມາດ​ຕະການ​ຕ່າງໆ​ເພື່ອເຮັດ​ໃຫ້​ສປປ​ເກົາ​ຫຼີບໍ່​ຕົກ​ຢູ່​ໃນ​ສະພາບ​ໂດດດ່ຽວ.ຍີ່​ປຸ່ນ​ຍ້ອງ​ຍໍ​ຈີນທີ່​ທຳ​ຄວາມ​ພະຍາຍາມ,​ແລະຈະ​ສືບ​ຕໍ່ຮ່ວມ​ມື​ກັບ​ຝ່າຍ​ຈີນ​ເພື່ອ​ແກ້​ໄຂ​ບັນຫາ​ນິວ​ເຄຼຍ​ແຫຼມ​ເກົາຫຼີ​.

ຂ່າວ​ແຈ້ງຕື່ມ​ວ່າ,ຕອນ​ຄ່ຳ​ວັນ​ທີ19​ຕຸລາ,ລັດ​ຖະ​ມົນ​ຕີ​ ​ການ​ຕ່າງປະ​ເທດ​ຂອງສ.​ເກົາ​ຫຼີ,ອາ​ເມ​ລິ​ກາ​ແລະ​ຍີ່ປຸ່ນ​ໄດ້​ຈັດການ​ເຈລະຈາ​ຢູ່​​ເຊ​ອູນ,ຮຽກຮ້ອງ​ໃຫ້​ສປປ​ເກົາຫຼີຢ່າ​​ໃຊ້ການ​ກະທຳ​ທີ່​ຈະເຮັດ​ໃຫ້​ສະຖານະ​ການ​ແຫຼ​ມ​ເກົາຫຼີຊຸດ​ໂຊມ​ລົງຕື່ມ​ອີກ.