ຕາມ​ຂ່າວ​ສານ​ຈີນ​:ວັນ​ທີ18​ຕຸລາ,ທ່າ​ນອະ​ຊິ​ວິນ ຊາ​ຊົງ​ຄົສ ​ເລຂາ​ທິການ​​ໃຫຍ່​ກະຊວງ​ໂທລະ​ຄົມ​ແລະ​ຖະ​ແຫຼ​ງຂ່າວ​ຂອງອິນ​ໂດ​ເນເຊຍ​ກ່າວ​ວ່າ,ອິນ​ໂດ​ເນ​ເຊຍ​ຫວັງ​​ໃຫ້​ຂະຫຍາຍ​ການ​ຮ່ວມ​ມື​ກັບ​ຈີນ​ໃນ​ຂົງ​ເຂ​ດ​ໄຮ​ເຕັກ.

ໃນ​ເວ​ລາ​ໃຫ້​ສຳພາດ​ຕໍ່​ນັກ​ຂ່າວ,ທ່ານ​ຊາ​ຊົງຄົສ​ເວົ້າ​ວ່າ,ອິນ​ໂດ​ເນ​ເຊຍ​ມີປະຊາ​ກອນ200​ລ້ານ​ກວ່າ​ຄົນ,ຕະຫຼາດ​ອຸດສາ​ຫະກຳ​ໂທ​ລະ​ຄົມມີ​ຄວາມ​ຕ້ອງ​ການ​ຢ່າງ​ຫຼວງຫຼາຍ.​​ໂທລະ​ສັບມື​ຖື​ພວມ​ຢູ່​ໃນ​ໄລຍະ​​ເຜີຍ​ແຜ່​​ໃຫ້​ທົ່ວ​ເຖິງ​ກັນຢ່າງ​ວ່ອງ​ໄວ.ປັດຈຸບັນ,ລັດ​ຖະ​ບານອິນ​ໂດ​ເນ​ເຊຍ​ໄດ້​ປະກາດ​ໃຊ້​ນະ​ໂຍບາຍ​ບູລິ​ມະ​ສິດ​ໃນ​ດ້ານ​ພາສີອາ​ກອນ​ແລະຄຸນ​ວຸດ​ທິຂອງ​ວິ​ສາ​ຫະກິດ,ມີ​ຈຸດປະ​ສົງ​ດຶງດູດ​ທຶນ​ຕ່າງ​ປະ​ເທດ​ຫຼາຍ​ກວ່າ​​ໂດຍ​ຜ່ານການ​ປັບປຸງ​ສະພາບ​ແວດ​ລ້ອມການ​ລົງທຶນ​ໃຫ້​ດີ​ຂຶ້ນ.

ທ່ານ​ກ່າວ​ວ່າ,ວັນ​ທີ1​ພະຈິກ​ປີ​ນີ້,ຈະ​ຈັດ​ກອງ​ປະ​ຊຸມ​ສຸດ​ຍອດກ່ຽວ​ກັບ​ພື້ນຖານ​ໂຄງ​ລ່າງ​ຂອງ​ອິນ​ໂດ​ເນ​ເຊຍຢູ່​ຢາ​ກາກ​ຕາ​,ຜູ້​ລົງທຶນ​ແລະ​ນັກທຸລະ​ກິດ​ຜູ່ສະ​ໜອງ​ເຕັກນິກ​ແລະອຸ​ປະກອນ​ຂອງປະ​ເທດ​ຕ່າງໆ​ຈະ​ເຂົ້າ​ຮ່ວມ​ກອງ​ປະຊຸມ​ດັ່ງກ່າວ.