|
ຕາມຂ່າວຈາກໜັງສືພິມເຢີນມິນຢື້ປ້າວ:ວັນທີ23ຕຸລາ,ຢູ່ທີ່ປັກກິ່ງ,ທ່ານເຮີຢົງ ເລຂາຄະນະເລຂາສູນກາງພັກກອມມູນິດຈີນ,ຮອງເລຂາຄະນະກຳມະການກວດກາລະບຽບວິໄນສູນກາງພັກກອມມູນິດຈີນກ່າວວ່າ,ຫວັງຢາກໃຫ້ອົງການກວດກາລະບຽບວິໄນຂອງພັກກອມມູນິດຈີນກັບຫວຽດນາມເພິ່ມທະວີການຮ່ວມມື,ຊຸກຍູ້ວຽກງານກໍ່ສ້າງແບບແຜນຂອງພັກແລະວຽກງານຕໍ່ຕ້ານປະກົດການຫຍໍ້ທໍ້ພາຍໃນພັກແລະລັດຂອງຕົນ.
ທ່ານເຮີຢົງໃຫ້ທັດສະນະດັ່ງກ່າວໃນເວລາພົບປະຄະນະຜູ້ແທນຄະນະກຳມະການກວດກາລະບຽບວິໄນສູນກາງພັກກອມມູນິດຫວຽດນາມທີ່ນຳໂດຍທ່ານຫງວຽນທິຢວນ ກຳມະການສູນກາງພັກກອມມູນິດ,ຮອງປະທານປະຈຳການຄະນະກຳມະການກວດກາລະບຽບວິໄນສູນກາງພັກຫວຽດນາມ.ທ່ານເຮີຢົງຍັງໄດ້ແນະນຳສະພາບການປະຕິຮູບແລະເປີດປະຕູສູ່ພາຍນອກ,ການສ້າງສາເສດຖະກິດແລະການດຳເນີນວຽກງານຕໍ່ຕ້ານປະກົດການຫຍໍ້ທໍ້ແລະລິເລິ່ມການປົກຄອງທີ່ຊື່ສັດສຸດຈະລິດຂອງຈີນໃຫ້ແຂກຊາບ.
|
