|
|
 |
| (GMT+08:00)
2006-10-25 18:27:22
|
 |
|
ທ່ານແບຼພົບປະທ່ານເຈຍຊິ້ງລິນ
cri
Author: da
ຕາມຂ່າວCRI: ວັນທີ 24 ຕຸລາ ຢູ່ລອນດອນ ທ່ານໂທນີແບຼ ນາຍົກລັດຖະມົນຕີອັງກິດໄດ້ພົບປະທ່ານເຈຍຊິ້ງລິນ ປະທານສະພາປຶກສາການເມືອງແຫ່ງຊາດຈີນທີ່ໄປຢ້ຽມຢາມອັງກິດ.
ໃນເວລາພົບປະ ທ່ານເຈຍຊິ້ງລິນກ່າວວ່າ,ຈີນແລະອັງກິດແມ່ນປະເທດສະມາ ຊິກຖາວອນຂອງສະພາຄວາມໝັ້ນຄົງ,ມີຜົນປະໂຫຍດຮ່ວມອັນກວ້າງຂວາງ.ການລົງ ເລິກຂະຫຍາຍການພົວພັນລະຫວ່າງສອງປະເທດແລະການຮ່ວມມືທີ່ຕ່າງຝ່າຍຕ່າງມີຜົນປະໂຫຍດຢ່າງບໍ່ຢຸດຢັ້ງນັ້ນ,ສອດຄ່ອງກັບຜົນປະໂຫຍດຂອງສອງປະເທດແລະປະຊາ ຊົນສອງຊາດ,ທັງມີຜົນດີຕໍ່ສັນຕິພາບ ສະຖຽນລະພາບແລະຄວາມຈະເລີນຮຸ່ງເຮືອງຂອງໂລກ.
ທ່ານແບຼກ່າວວ່າ,ອັງກິດເຫັນວ່າ,ຈີນໄດ້ເສີມຂະຫຍາຍບົດບາດນັບມື້ນັບສຳຄັນໃນວຽກງານສາກົນ.ຝ່າຍອັງກິດຈະເຮັດຄືໄລຍະຜ່ານມາເພື່ອຂະຫຍາຍການພົວພັນລະຫວ່າງອັງກິດກັບຈີນ.ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບບັນຫາສາກົນແລະພາກພື້ນອັນສຳຄັນທີ່ສົນໃຈຮ່ວມກັນ.
ມື້ດຽວກັນ ສະມາຄົມການຄ້າອັງກິດຈີນໄດ້ຈັດການເຄື່ອນໄຫວຕ້ອນຮັບທ່ານເຈຍຊິ້ງລິນຢູ່ລອນດອນ.ໃນເວລາເຂົ້າຮ່ວມການເຄື່ອນໄຫວນີ້ ທ່ານເຈຍຊິ້ງລິນໄດ້ກ່າວປາຖະກະຖາວ່າ,ໂລກຢາກບັນລຸສະຖຽນລະພາບແລະຈະເລີນຮຸ່ງເຮືອງ,ແມ່ນຫ່າງເຫີນອອກຈາກການຢູ່ຮ່ວມກັນຢ່າງກົມກຽວແລະກ້າວໄປໜ້າຮ່ວມກັນນັ້ນບໍ່ໄດ້.ຈີນຍິນດີພ້ອມກັນກັບປະຊາຄົມໂລກ,ພະຍາຍາມສ້າງໂລກທີ່ກົມກຽວກັນ.
|
|
|
