|
ຕາມຂ່າວສານຊິນຮວາ:ວັນທີ25ຕຸລາ,ຢູ່ທີ່ປັກກິ່ງ,ທ່ານເຊີເກ ຣາຊົຟ ເອກອັກຄະລັດຖະທູດຣັດເຊຍປະຈຳຈີນກ່າວວ່າ,ໃນບັນຫານິວເຄຼຍແຫຼມເກົາຫຼີ,ຣັດເຊຍກັບຈີນໄດ້ຮ່ວມມືແລະປະສານສົມທົບກັນຢ່າງສະໜິດແໜ້ນທີ່ສຸດຕະຫຼອດມາ.
ທ່ານຣາຊົຟໃຫ້ທັດສະນະດັ່ງກ່າວໃນເວລາໃຫ້ສຳພາດຕໍ່ນັກຂ່າວໃນກອງປະຊຸມຂ່າວຂອງພິທີອັດ"ປີຣັດເຊຍ"ຂອງຈີນ.ກ່ຽວກັບການລົງໂທດຕໍ່ອີຣານ,ທ່ານເວົ້າວ່າ,ການລົງໂທດພຽງແຕ່ແມ່ນພາກສ່ວນໜຶ່ງຂອງມາດຕະການໃນຂໍ້ກຳນົດຂອງມະຕິເລກທີ1718.ສ່ວນຈະໃຊ້ມາດຕະການລົງໂທດຫຍັງແດ່ນັ້ນ,ຈະແມ່ນຄະນະກຳມະການລົງໂທດທີ່ສະພາຄວາມໝັ້ນຄົງຕັ້ງຂຶ້ນເປັນພິເສດນັ້ນຄົ້ນຄວ້າແລະກຳນົດ.ເມື່ອມາດຕະການລົງໂທດລະອຽດຖືກກຳນົດອອກແລ້ວ,ແຕ່ລະປະເທດຈະຕົກລົງວິທີປະຕິບັດອັນລະອຽດຕາມຄວາມສາມາດແລະຜົນປະໂຫຍດຂອງຕົນແລະການພັດທະນາຂອງບັນຫານິວເຄຼຍແຫຼມເກົາຫຼີ
ຂ່າວແຈ້ງຕື່ມວ່າ,ວັນທີ24ຕຸລາ,ທ່ານຊິນ ເມກໂຄມາກ ໂຄສົກກະຊວງການຕ່າງປະເທດອາເມລິກາຊີ້ອອກວ່າ,ສປປເກົາຫຼີຮຽກຮ້ອງໃຫ້ຈັດການເຈລະຈາ"ໜຶ່ງຕໍ່ໜຶ່ງ"ກັບອາເມລິການັ້ນພຽງແຕ່ແມ່ນຂໍ້ອ້າງເທົ່ານັ້ນ,ອາເມລິກາຍັງຍຶດໝັ້ນແກ້ໄຂບັນຫານິວເຄຼຍແຫຼມເກົາຫຼີພາຍໃນ
ຂອບການເຈລະຈາຫົກຝ່າຍແລະສະພາຄວາມໝັ້ນຄົງ.
|
