|
ຕາມຂ່າວCRI:ວັນທີ25ຕຸລາ,ທ່ານຈັອດ ບຸສ ປະທານາທິບໍດີອາເມລິກາກ່າວວ່າ,ອາເມລິກາຍັງຈະສືບຕໍ່ແກ້ໄຂບັນຫານິວເຄຼຍແຫຼມເກົາຫຼີດ້ວຍວິຖີທາງການທູດ.
ໃນກອງປະຊຸມຂ່າວທີ່ຈັດຂຶ້ນຢູ່ທຳນຽບຂາວ,ທ່ານບຸສເວົ້າວ່າ,ຜົນທີ່ນາງຄອນໂດລີຊາ ໄຣສ໌ ລັດຖະມົນຕີວ່າການກະຊວງການຕ່າງປະເທດອາເມລິກາຢ້ຽມຢາມຍີ່ປຸ່ນ,ສ.ເກົາຫຼີ,ຈີນແລະຣັດເຊຍໃນຫວ່າງມໍ່ໆນີ້ສະແດງໃຫ້ເຫັນວ່າ,ປະເທດທີ່ເຂົ້າຮ່ວມການເຈລະຈາຫົກຝ່າຍເຫຼົ່ານີ້ເປັນເອກະສັນກັນມີເຈດຈຳນົງຈະຮ່ວມມືຢ່າງສະໜິດແໜ້ນ,ແກ້ໄຂບັນຫານິວເຄຼຍແຫຼມເກົາຫີຼດ້ວຍສັນຕິວິທີ.
ໃນລາຍການວິທະຍຸແລະໂທລະພາບມື້ດຽວກັນ,ທ່ານປູຕິນ ປະທານາທິບໍດີຣັດເຊຍກ່າວວ່າ,ຣັດເຊຍມີເຈດຈຳນົງໃຫ້ຝ່າຍຕ່າງໆທີ່ກ່ຽວຂ້ອງກັບຄືນສູ່ການເຈລະຈາຫົກຝ່າຍ,ເພື່ອແກ້ໄຂ
ສະຖານະການອັນສັບສົນເນື່ອງຈາກການທົດລອງນິວເຄຼຍຂອງສປປເກົາຫຼີ.ທ່ານປູຕິນເວົ້າວ່າ,ສປປເກົາຫຼີໄດ້ສົ່ງສັນຍານຕໍ່ປະຊາຄົມໂລກວ່າ,ຢາກກັບຄືນສູ່ການເຈລະຈາຫົກຝ່າຍພາຍໃຕ້ປະຖົມປັດໄຈທີ່ຜົນປະໂຫຍດຄວາມປອດໄພແຫ່ງຊາດແລະສິດນຳໃຊ້ພະລັງງານນິວເຄຼຍມີການຮັບປະກັນ.
ນອກນີ້,ຂ່າວແຈ້ງວ່າ,ວັນທີ26ຕຸລາ,ສ.ເກົາຫຼີທວງໃຫ້ສປປເກົາຫີຼກັບຄືນສູ່ການເຈລະຈາຫຼົກຝ່າຍໂດຍບໍ່ມີເງື່ອນໄຂ,ແລະກ່າວລື້ມວ່າ, ສະໜັບສະໜູນສະພາຄວາມໝັ້ນຄົງສະຫະປະຊາຊາດຜ່ານມະຕິລົງໂທດສປປເກົາຫຼີ.
|
