|
ຕາມຂ່າວCRI:ມື້ວານນີ້,ທ່ານຊັດດາມ ຮຸນເຊັນ ອະດີດປະທານາທິບໍດີອີຣັກຖືກສານຊັ້ນສູງອີຣັກຕັດສິນແຂວນຄໍ.ຝ່າຍຕ່າງໆພາຍໃນອີຣັກແລະປະຊາຄົມໂລກມີປະຕິກິລິຍາທີ່ຕ່າງກັນ.
ມື້ດຽວກັນ,ທ່ານຈາລາ ທາລາບານີ ປະທານາທິບໍດີອີຣັກໄດ້ຜ່ານຈາກໂຄສົກຂອງທ່ານກ່າວວ່າ,ການຕັດສິນປະຫານຊີວິດທ່ານຊັດດາມຂອງສານຊັ້ນສູງອີຣັກແມ່ນຍຸດຕິທຳແລະຊອບກົດໝາຍ.ຢູ່ເມືອງຊາເດີ ພາກຕາເວັນອອກແບັກແດັດ,ມວນຊົນນິກາຍຊີອະຈຳນວນຫຼວງຫຼາຍສະຫຼອງຄຳຕັດສິນດັ່ງກ່າວ.ແຕ່ຢູ່ເມືອງທິກຣິດ ບ້ານເກີດຂອງທ່ານຊັດຕາມ,ຜູ້ສະໜັບສະໜູນທ່ານຊັດດາມປະມານ2000ຄົນໄດ້ຈັດການເຄື່ອນໄຫວປະທ້ວງ.ພັກການເມືອງນິກາຍຊີອະສ່ວນໜຶ່ງກ່າວວ່າ,ນີ້ແມ່ນ"ການຕັດສິນທາງການເມືອງ"ເທື່ອໜຶ່ງ.
ມື້ດຽວກັນ,ທ່ານຈັອດ ບຸສ ປະທານາທິບໍດີອາເມລິກາກ່າວວ່າ,ການຕັດສິນຕໍ່ທ່ານຊັດດາມມີຄວາມໝາຍທີ່ເປັນຂີດໝາຍໃນທາງຂະບວນການທີ່ປະຊາຊົນອີຣັກພະຍາຍາມສ້າງລະບອບກົດໝາຍ.
ມື້ດຽວກັນ,ແຟງລັງ ປະເທດປະທານໝູນວຽນສະຫະພາບເອີລົບອອກຖະແຫຼງການ,ກ່າວປະນາມໂທດຂອງອຳນາດການປົກຄອງຊັດດາມໃນອະດີດ,ແຕ່ພ້ອມທັງເວົ້າວ່າ,ສະຫະພາບເອີລົບຄັດຄ້ານທຸກຄະດີພາຍໃຕ້ສະພາບໃດໆກໍ່ຕາມທີ່ອອກຄຳຕັດສິນລົງໂທດປະຫານຊີວິດ.
ມື້ດຽວກັນ,ນາງລູອິສ ອາບົວ ຂ້າຫຼວງໃຫຍ່ວຽກງານສິດທິມະນຸດສະຫະປະຊາຊາດອອກຖະແຫຼງການກ່າວວ່າ,ທ່ານຊັດດາມຄວນມີສິດນຳໃຊ້ຊ່ອງທາງເພື່ອອຸທອນຕໍ່ຄຳຕັດສິນ.ພ້ອມກັນນັ້ນ,ນາງຮຽກຮ້ອງໃຫ້ເລື່ອນເວລາປະຕິບັດການລົງໂທດປະຫານຊີວິດຕໍ່ທ່ານຊັດດາມ.
|
