|
|
 |
| (GMT+08:00)
2006-11-09 18:43:39
|
 |
|
ປະຊາຄົມໂລກຮຽກຮ້ອງອິສລະແອນຢຸດຕິການຍິງປືນໃຫຍ່ໃສ່ສາມັນຊົນຢູ່ກາຊາ
cri
Author: da
ຕາມຂ່າວCRI:ຕອນຮຸ່ງເຊົ້າວັນທີ 8 ພະຈິກ ກອງທະຫານອິສລະແອນໄດ້ໃຊ້ລົດຖັງຍິງປືນໃຫຍ່ໃສ່ເຂດພາກເໜືອແຖບກາຊາ,ເຮັດໃຫ້ຊາວປາເລັສຕີນຢ່າງໜ້ອຍ 19 ຄົນເສຍຊີວິດ, 50 ກວ່າຄົບບາດເຈັບ.ມື້ດຽວກັນ ປະຊາຄົມໂລກສະແດງຄວາມຕື່ນຕົກໃຈ,ພາກັນຮຽກຮ້ອງອິສລະແອນຢຸດຕິການຍິງປືນໃຫຍ່ໃສ່ສາມັນຊົນຢູ່ກາຊາ.
ທ່ານອານນານ ເລຂາທິການໃຫຍ່ສະຫະປະຊາຊາດອອກຖະແຫຼງການ,ຮຽກຮ້ອງອິສລະແອນກັບປາເລັສຕີນເຄົາລົບກົດໝາຍລະຫວ່າງຊາດ,ຮັບປະກັນບໍ່ໃຫ້ການເຄື່ອນໄຫວທາງການທະຫານທຳຮ້າຍສາມັນຊົນ.
ທ່ານມູຊາ ເລຂາທິການໃຫຍ່ສັນນິບາດປະເທດອາລັບອອກຖະແຫຼງການ,ຮຽກຮ້ອງປະຊາຄົມໂລກ ໂດຍສະເພາະແມ່ນ 4 ຝ່າຍທີ່ກ່ຽວຂ້ອງກັບບັນຫາຕາເວັນອອກກາງ ຈົ່ງແຊກແຊງການປະທະກັນລະຫວ່າງປາເລັສຕີນກັບອິສລະແອນໃນທັນທີ,ສະກັດກັ້ນການເຄື່ອນໄຫວທາງການທະຫານຂອງອິສລະແອນ.
ວັນທີ 8 ພະຈິກ ແຟັງລັງ ປະເທດປະທານໝູນວຽນຂອງສະຫະພາບເອີລົບອອກຖະແຫຼງການ,ຮຽກຮ້ອງອິສລະແອນຢຸດຕິການເຄື່ອນໄຫວທາງການທະຫານຢູ່ແຖບກາຊາ,ຮຽກຮ້ອງຜູ້ປະກອບອາວຸດຂອງປາເລັສຕີນຢຸດຕິການຍິງລັອກແກັດໃສ່ອິສລະແອນ.ສະຫະພາບເອີລົບຍັງຮຽກຮ້ອງບັນດາຝ່າຍທີ່ກ່ຽວຂ້ອງຮັກສາຄວາມອົດກັ້ນສຸດຂີດບົນພື້ນຖານໂຄລົບຫຼັກມາດຖານສິດທິມະນຸດສາກົນ,ແລະທຳຄວາມພະຍາຍາມເທົ່າທີ່ຄວນຂອງໃຜລາວເພື່ອຈັດການເຈລະຈາສັນຕິພາບຄືນໃໝ່.
ສະພາກາແດງສາກົນອອກຖະແຫຼງການ,ຮຽກຮ້ອງອິສລະແອນໂຄລົບກົດໝາຍວ່າດ້ວຍມະນຸດສະທຳສາກົນກ່ຽວກັບການປົກປ້ອງສາມັນຊົນໃນຍາມສົງຄາມ.
ມື້ດຽວກັນ ລັດຖະບານປະເທດຕ່າງໆເຊັ່ນ ເອຢິບ ອີຕາລີ ເປຣູແລະອາກຊັງຕີນເປັນຕົ້ນກໍພາກັນໃຊ້ຮູບການຕ່າງໆ,ກ່າວປະນາມຢ່າງຮຸນແຮງຕໍ່ກອງທະຫານອິສລະແອນໃຊ້ການເຄື່ອນໄຫວທາງການທະຫານຢູ່ແຖບກາຊາເຮັດໃຫ້ສະຖານະການພາກພື້ນເຄັ່ງຕຶງຂຶ້ນ, ແລະຊີ້ອອກວ່າ ການເຈລະຈາສັນຕິພາບຈຶ່ງແມ່ນຊ່ອງທາງພຽງເສັ້ນດຽວໃນການບັນລຸຄວາມປອດໄພແລະສະຖຽນລະພາບ.
|
|
|
