|
|
 |
| (GMT+08:00)
2006-11-13 18:04:46
|
 |
|
ກອງປະຊຸມດ່ວນຂອງສັນນິບາດປະເທດອາລັບສະເໜີມາດຕະການໃໝ່ເພື່ອແກ້ໄຂການປະທະກັນລະຫວ່າງປາເລັສຕີນກັບອິສລະແອນ
cri
Author: da
ຕາມຂ່າວCRI: ວັນທີ 12 ພະຈິກນີ້ ລັດຖະມົນຕີການຕ່າງປະເທດຫຼືຜູ່ແທນຂອງສັນນິບາດປະເທດອາລັບໄດ້ຈັດກອງປະຊຸມດ່ວນຢູ່ເລີແກນະຄອນຫຼວງເອຢິບແລະໄດ້ຜ່ານມະຕິຕົກລົງ,ຮຽກຮ້ອງປະເທດອາລັບທັບມ້າງການອັດຕັນດ້ານການເມືອງແລະເສດຖະກິດຂອງປະເທດຕາເວັນຕົກຕໍ່ປາເລັສຕີນ,ສະໜອງການຊ່ອຍເຫຼືອດ້ານການເງິນແລະວັດຖຸໃຫ້ແກ່ປາເລັສຕີນ.
ພ້ອມກັນນັ້ນ ມະຕິດັ່ງກ່າວຮຽກຮ້ອງໃຫ້ປະເທດອາລັບ ອິສລາແອນແລະປະເທດສະມາຊິກຖາວອນຂອງສະພາຄວາມໝັ້ນຄົງສະຫະປະຊາຊາດຈັດກອງປະຊຸມສັນຕິພາບ,ອີງຕາມມະຕິທີ່ກ່ຽວຂ້ອງຂອງສະພາຄວາມໝັ້ນຄົງສະຫະປະຊາຊາດແລະຫຼັກການ"ເອົາດິນແດນແລກປ່ຽນສັນຕິພາບ",ສະແຫວງຫາແຜນການຮອບດ້ານແລະທ່ຽງທຳເພື່ອແກ້ໄຂການປະທະກັນລະຫວ່າງປາເລັສຕີນກັບອິສລະແອນ,ແລະສືບຕໍ່ພະຍາຍາມເພື່ອດຳເນີນຂະບວນການສັນຕິພາບຕາເວັນອອກກາງຄືນໃໝ່.
ມະຕິດັ່ງກ່າວຍັງໄດ້ກ່າວປະນາມຢ່າງຮຸນແຮງຕໍ່ອິສລະແອນທີ່ໃຊ້ການເຄື່ອນໄຫວເປັນປໍລະປັກກັນຕໍ່ດິນແດນປາເລັສຕີນ,ສະແດງຄວາມບໍ່ພໍໃຈຢ່າງຮ້າຍແຮງຕໍ່ອາເມລິກາທີ່ຢັບຢັ້ງຮ່າງມະຕິທີ່ຮຽກຮ້ອງໃຫ້ອິສລະແອນຢຸດຕິການເຄື່ອນໄຫວທາງການທະຫານຢູ່ແຖບກາຊາໃນທັນທີໃນເວລາລົງຄະແນນສຽງໃນສະພາຄວາມໝັ້ນຄົງສະຫະປະຊາຊາດ,ແລະຮຽກຮ້ອງປະຊາຄົມໂລກສຳຫຼວດເຫດການທີ່ອິສລາແອນຍິງປືນໃຫຍ່ໃສ່ເມືອງເບດຮາໂນນ ພາກເໜືອແຖບກາຊາ,ແຕ່ງກອງທະຫານຮັກສາສັນຕິພາບນາໆຊາດໄປປ້ອງກັນປະຊາຊົນປາເລັສຕີນ.
ມື້ດຽວກັນ, 4 ອົງການປະກອບອາວຸດເຊັ່ນຄະນະກຳມະການຕໍ່ຕ້ານຂອງປະຊາຊົນປາເລັສຕິນແລະກອງພົນນ້ອຍອານ ອາກຊາເປັນຕົ້ນກໍອອກຖະແຫຼງການ,ສະແດງຄວາມບໍ່ພໍໃຈຕໍ່ການກະທຳດັ່ງກ່າວຂອງອາເມລິກາທີ່ສະໜັບສະໜູນອິສລະແອນ,ແລະຂົ່ມຂູ່ມວ່າຈະຫຼອນໂຈມຕີເປົ້າໝາຍຂອງອາເມລິກາ.
|
|
|
