|
|
 |
| (GMT+08:00)
2006-11-14 17:17:33
|
 |
|
ທ່ານມຸຮາເມັດ ຊູແບຖືກສະເໜີຊື່ເປັນນາຍົກລັດຖະບານປະສົມແຫ່ງຊາດປາເລັສຕີນ
cri
Author: da
ຕາມຂ່າວCRI: ວັນທີ 13 ພະຈິກ ອົງການຮາມາສ ກັບອົງການຟາຕາຂອງປາເລັສຕີນໄດ້ກ້າວເຖິງຂັ້ນເປັນເອກະສັນກັນກ່ຽວກັບບັນຫາຜູ່ສະໝັກຮັບເລືອກຕັ້ງເປັນນາຍົກລັດຖະມົນຕີລັດຖະບານປະສົມແຫ່ງຊາດປາເລັສຕີນ,ສອງຝ່າຍເຫັນດີສະເໜີທ່ານມຸຮາເມັດ ຊູແບ ອະດີດອະທິການບໍດີມະຫາວິທະຍາໄລອິສລາມກາຊາເປັນນາຍົກລັດຖະມົນຕີຂອງລັດຖະບານຊຸດໃໝ່.
ມື້ດຽວກັນ,ກອງປະຊຸມລັດຖະມົນຕີການຕ່າງປະເທດສະຫະພາບເອີລົບທີ່ຈັດຂຶ້ນຢູ່ບຼູແຊນໄດ້ຜ່ານມະຕິ,ທວງໃຫ້ປາເລັສຕີນສ້າງຕັ້ງລັດຖະບານປະສົມແຫ່ງ ຊາດໂດຍໄວ,ຊຸກຍູ້ການເລີ່ມຄົ້ນຂະບວນການສັນຕິພາບຕາເວັນອອກກາງຄືນໃໝ່.
ນອກນີ້ຂ່າວແຈ້ງວ່າ,ຕອນຄ່ຳວັນທີ 12 ພະຈິກນີ້ ທ່ານນາງທະຈິປິ ລິຟນີ ລັດຖະມົນຕີວ່າການກະຊວງການຕ່າງປະເທດອິສລາແອນໄດ້ກ່າວຄຳປາໄສໃນກອງປະຊຸມຜູ່ນຳສະມາຄົມຊາວຢິວອາເມລິກາເໜືອທີ່ຈັດຂຶ້ນຢູ່ໂລຊັນເຈິລິສວ່າ,ອິສລາແອນເຫັນດີນຳສ້າງຕັ້ງປະເທດປາເລັສຕີນທີ່ເປັນເອກະລາດ.ນາງເວົ້າວ່າ,ເພື່ອບັນລຸເປົ້າໝາຍດັ່ງກ່າວ,ອິສລາແອນກຽມປະລະດິນແດນສ່ວນໜຶ່ງ,ເພື່ອແລກເອົາຄວາມປອດໄພຂອງອິສລາແອນ.
|
|
|
