|
|
 |
| (GMT+08:00)
2006-11-15 17:19:16
|
 |
|
ຜູ່ຊ່ວຍລັດຖະມົນຕີວ່າການກະຊວງການຕ່າງປະເທດອາເມລິກາກ່າວວ່າ ການເຈລະຈາ 6 ຝ່າຍມີຫວັງຟື້ນຟູຈັດຂຶ້ນໃນເດືອນທັນວາ
cri
Author: da
ຕາມຂ່າວສານຊິນຮວາ: ວັນທີ 15 ພະຈິກນີ້ ທ່ານຄຼິສທອຟເຟີ ຮີວ ຜູ່ຊ່ວຍລັດຖະມົນຕີວ່າການກະຊວງການຕ່າງປະເທດອາເມລິກາທີ່ຮັບຜິດຊອບວຽກງານອາຊີຕາເວັນອອກແລະປາຊິຟິກທີ່ໄປກຽມຈັດກອງປະຊຸມບໍ່ເປັນທາງການຜູ່ນຳອົງການຮ່ວມມືເສດຖະກິດອາຊີປາຊິຟິກຫຼືເອເປັກຢູ່ຮ່າໂນ້ຍຂອງຫວຽດນາມໄດ້ກ່າວວ່າ,ການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີມີຫວັງຟື້ນຟູຈັດຂຶ້ນໃນເດືອນທັນວາ.
ທ່ານຮີວກ່າວຕໍ່ສື່ມວນຊົນວ່າ,ຝ່າຍອາເມລິກາຫວັງໃຫ້ກຳນົດວັນເວລາໂດຍໄວ.ແຕ່ເມື່ອພິຈາລະນາວ່າ ໃນຫຼາຍອາທິດຕໍ່ໜ້າ ປະເທດທີ່ກ່ຽວຂ້ອງຈະຂຸ້ນນຳວຽກຫຼາຍ,ສະນັ້ນ ອາດຈະເລີ່ມເຈລະຈາໃນມື້ໃດມື້ໜຶ່ງຂອງຕົ້ນເດືອນທັນວາ.
ມື້ດຽວກັນ ທ່ານຈູນຢົງອູ ຮອງລັດຖະມົນຕີວ່າການກະຊວງການຕ່າງປະເທດແລະການຄ້າຂອງສ.ເກົາຫຼີທີ່ເຂົ້າຮ່ວມກອງປະຊຸມທີ່ກ່ຽວຂ້ອງຢູ່ຮ່າໂນ້ຍໄດ້ກ່າວວ່າ,ສ.ເກົາຫຼີກັບອາເມລິກາຈະຫາລືເວລາການຟື້ນຟູຈັດການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີ ພ້ອມກັບຍຸດໂທບາຍເທີ່ໄດ້ຮັບຄວາມຄືບໜ້າອັນລະອຽດຫຼາຍທີ່ສຸດ.
ວັນທີ 14 ພະຈິກນີ້,ຢູ່ປັກກິ່ງ ທ່ານນາງຈ່ຽງຢູ ໂຄສົກກະຊວງການຕ່າງປະເທດຈີນກ່າວວ່າ,ຝ່າຍຈີນຍິນດີພ້ອມກັນກັບຝ່າຍຕ່າງໆທີ່ກ່ຽວຂ້ອງ,ທຳຄວາມພະຍາຍາມເພື່ອຟື້ນຟູການເຈລະຈາ 6 ຝ່າຍໂດຍໄວ.
|
|
|
