|
|
 |
| (GMT+08:00)
2006-11-15 17:43:22
|
 |
|
ປະທານາທິບໍດີອິນໂດເນເຊຍເປັນປະທານຈັດພິທີສຳເລັດການສ້າງໂຮງຜະລິດໄຟຟ້າດ້ວຍຖ່ານຫີນຈິລັດຈັບທີ່ຈີນຮັບເໝົາກໍ່ສ້າງ
cri
Author: da
ຕາມຂ່າວສານຊິນຮວາ:ວັນທີ 14 ພະຈິກນີ້ ຢູ່ຈີລັດຈັບແຂວງຊາວາກາງຂອງອິນໂດເນເຊຍ,ທ່ານຊູຊີໂລ ປະທານາທິບໍດີອິນໂດເນເຊຍໄດ້ເປັນປະທານໃນພິທີສຳເລັດການສ້າງໂຮງຜະລິດໄຟຟ້າດ້ວຍຖ່ານຫີນ 3 ແສນກິໂລວັດ 2 ເຄື່ອງ ເຊິ່ງບໍລິສັດກິດຈະການເສີງດາຈີນເປັນຜູ່ຮັບເໝົາກໍ່ສ້າງ,ນີ້ເປັນຂີດໝາຍສະແດງໃຫ້ເຫັນວ່າ ໂຄງການຜະລິດໄຟຟ້າທີ່ຈີນສົ່ງອອກເຄື່ອງຜະລິດໄຟຟ້າໃຫຍ່ກວ່າໝູ່ຢູ່ອາຊີອາຄະເນໄດ້ເລີ່ມທຸລະກິດຢ່າງເປັນທາງການແລ້ວ.
ທ່ານປະທານາທິບໍດີຊູຊີໂລຕີລາຄາສູງຕໍ່ການຂະຫຍາຍຕົວແຫ່ງການພົວພັນໄມຕີຈິດຮ່ວມມືລະຫວ່າງອິນໂດເນເຊຍຈີນ ແລະໂຮງຜະລິດໄຟຟ້າຈິລັດຈັບໄດ້ ປະກອບສ່ວນໃຫຍ່ຫຼວງເຂົ້າໃນເສດຖະກິດສັງຄົມໃນແຫ່ງນັ້ນ.ທ່ານກ່າວວ່າ,ສອງປະເທດສ້າງການພົວພັນຄູ່ຮ່ວມມືຍຸດທະສາດແລະດຳເນີນການຮ່ວມມືໃນດ້ານພະລັງງານນັ້ນມີຄວາມສຳຄັນທີ່ສຸດຕໍ່ການຊຸກຍູ້ການພົວພັນລະຫວ່າງສອງຝ່າຍຂະຫຍາຍຕົວກ້າວສູ່ລວງເລິກ.
ພາຍຫຼັງໂຮງຜະລິດໄຟຟ້າດ້ວຍຖ່ານຫີນຈິລັດຈັບຜະລິດໄຟຟ້າແລ້ວ ບໍ່ພຽງແຕ່ຈະປັບປຸງສະພາບການໃຊ້ໄຟຟ້າຂອງປະຊາຊົນໃນເຂດນີ້ທໍ່ນັ້ນ,ຫາກຍັງຈະສ້າງໂອກາດປະກອບອາຊີບຈຳນວນຫຼວງຫຼາຍຢູ່ແຫ່ງນັ້ນ,ຊຸກຍູ້ເສດຖະກິດເຂດນີ້ພັດທະນາໄວກວ່າເກົ່າ.
|
|
|
