|
|
 |
| (GMT+08:00)
2006-11-15 18:29:31
|
 |
|
ທ່ານຫູຈິນທາວເດີນທາງໄປຮອດນະຄອນດານາງເລີ່ມຢ້ຽມຢາມຫວຽດນາມທາງລັດຖະກິດ
cri
Author: da
ຕາມຂ່າວCRI:ໂດຍຕອບສະໜອງຄຳເຊີນຂອງທ່ານນົງດຶກແມ້ງ ເລຂາທິການໃຫຍ່ສູນກາງພັກກອມມູນິດແລະທ່ານຫງວຽນ ມິນ ຈຽດ ປະທານປະເທດຫວຽດນາມ,ວັນທີ 15 ພະຈິກນີ້ ທ່ານຫູຈິນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ເດີນທາງໄປຮອດນະຄອນດານາງ ເມືອງໃຫຍ່ທີສາມຂອງຫວຽດນາມ,ເລີ່ມຢ້ຽມຢາມຫວຽດນາມທາງລັດຖະກິດ.
ພາຍຫຼັງທ່ານຫູຈິນທາວເດີນທາງໄປຮອດນະຄອນດານາງແລ້ວໄດ້ກ່າວຄຳປາໄສທາງລາຍລັກອັກສອນຢູ່ສະໜາມບິນວ່າ,ຈີນຫວຽດນາມແມ່ນປະເທດບ້ານໃກ້ເຮືອນຄຽງທີ່ດີຕໍ່ກັນທີ່ມີພູຜາແມ່ນ້ຳຕິດຈອດກັນ,ມິດຕະພາບອັນມີມູນເຊື້ອລະຫວ່າງປະຊາຊົນສອງຊາດມີມາແຕ່ດົນນານ.ເມື່ອກ້າວເຂົ້າສູ່ສະຕະວັດໃໝ່,ໃຕ້ການຊີ້ນຳຂອງທິດທາງ ໝັ້ນທ່ຽງຍາວນານ ມຸ່ງໜ້າໄປສູ່ອະນາຄົດ ເປັນປະເທດໃກ້ຄຽງທີ່ດີຕໍ່ກັນ ແລະຮ່ວມມືກັນຢ່າງຮອບດ້ານ,ການພົວພັນລະຫວ່າງຈີນກັບຫວຽດນາມໄດ້ຮັບຄວາມຄືບໜ້າ ສຳຄັນອັນໃໝ່ຢ່າງບໍ່ຢຸດຢັ້ງ.
ທ່ານຫູຈິນທາວກ່າວວ່າ,ທ່ານຫວັງຜ່ານຈາກການຢ້ຽມຢາມເທື່ອນີ້,ເພີ່ມມິດຕະພາບອັນມີມູນເຊື້ອລະຫວ່າງສອງປະເທດຕື່ມອີກ,ພັດທະນາການຮ່ວມມືລະຫວ່າງສອງປະເທດໃນຂົງເຂດຕ່າງໆ,ເຮັດໃຫ້ມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນແລະການພົວພັນຮ່ວມມືຮອບດ້ານລະຫວ່າງສອງປະເທດກ້າວສູ່ຂັ້ນໄດໃໝ່.
ຫວຽດນາມແມ່ນປະເທດທຳອິດໃນການຢ້ຽມຢາມ 4 ປະເທດອາຊີຂອງທ່ານຫູຈິນທາວເທື່ອນີ້.ໃນໄລຍະຢ້ຽມຢາມ,ທ່ານຈະເຂົ້າຮ່ວມກອງປະຊຸມບໍ່ເປັນທາງການຂອງຜູ່ນຳອົງການເອເປັກຄັ້ງທີ 14 ທີ່ຈັດຂຶ້ນຢູ່ຮ່າໂນ້ຍ.ຫຼັງຈາກນັ້ນ,ທ່ານຍັງຈະໄປຢ້ຽມຢາມລາວ ອິນເດຍແລະປາກີສະຖານຕາມລຳດັບ.
|
|
|
