|
|
 |
| (GMT+08:00)
2006-11-17 11:16:40
|
 |
|
ທ່ານຫູຈີນທາວພົບປະເຈລະຈາກັບເລຂາທິການໃຫຍ່ພັກກອມມູນິດຫວຽດນາມແລະປະທານປະເທດຫວຽດນາມ
cri
Author: sayvanny
ຕາມຂ່າວ cri:ວັນທີ 16 ພະຈິກນີ້,ຢູ່ຮາໂນຍ ນະຄອນຫລວງແຫ່ງຫວຽດນາມ, ທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດຈີນ ປະທານປະເທດຈີນໄດ້ພົບປະເຈລະຈາກັບທ່ານນົງດຶກແມັງ ເລຂາທິການໃຫຍ່ສູນກາງພັກກອມມູນິດຫວຽດນາມແລະທ່ານຫງຽນມິນເທ ປະທານປະເທດຫວຽດນາມ.ສອງຝ່າຍໄດ້ແລກປ່ຽນຄວາມເຫັນຢ່າງເລິກເຊິ່ງກ່ຽວກັບການພົວພັນລະຫວ່າງສອງພັກ ສອງລັດແລະບັນຫາສາກົນແລະພາກພື້ນທີ່ສົນໃຈນຳກັນ,ເປັນເອກະສັນກັນກ່າວວ່າຈະຊຸກຍູ້ການພົວພັນຈີນຫວຽດນາມໃນໄລຍະໃຫມ່,ຍົກການພົວພັນລະຫວ່າງສອງພັກແລະສອງລັດຂຶ້ນສູ່ລະດັບໃຫມ່.
ເພື່ອຊຸກຍູ້ການພົວພັນຈີນຫວຽດນາມໃນໄລຍະໃຫມ່ຢ່າງຮອບດ້ານ, ທ່ານຫູຈີນທາວໄດ້ສະເຫນີ 4 ຂໍ້ດັ່ງນີ້:ສອງຝ່າຍຄວນຢືນຢູ່ບົນພື້ນຖານແຫ່ງຍຸດທະສາດແລະພາກສ່ວນສຳຄັນເພື່ອປົກປັກຮັກສາໄມຕີຈິດມິດຕະພາບລະຫວ່າງຈີນຫວຽດນາມ, ຍຶດຫມັ້ນຄວາມສະເຫມີພາບກັນແລະຕ່າງຝ່າຍຕ່າງມີຜົນປະໂຫຍດ, ບັນລຸການພັດທະນາແລະຄວາມຈະເລີນຮຸ່ງເຮືອງຮ່ວມກັນ;ຍຶດຫມັ້ນຊຸກຍູ້ການຮ່ວມມືຮອບດ້ານ, ເພີ່ມເນື້ອໃນຂອງການພົວພັນລະຫວ່າງສອງປະເທດໃຫ້ອຸດົມສົມບູນຂຶ້ນ;ຍຶດຫມັ້ນຮັກສາຜົນປະໂຫຍດຮ່ວມ, ເພີ່ມທະວີການປະສານງານແລະການຮ່ວມມືໃນຂອບຫລາຍຝ່າຍ.
ທ່ານຫູຈີນທາວຍັງກ່າວເນັ້ນວ່າ, ສອງຝ່າຍຄວນເລີ່ມຈາກການພົວພັນລະຫວ່າງສອງປະເທດ,ເລັ່ງລັດວຽກງານສຳຫລວດແລະປັກຫລັກຫມາຍຊາຍແດນທາງບົກ,ເພີ່ມທະວີການຮ່ວມມືຢູ່ອ່າວພາກເຫນືອຢ່າງຕິດແທດຕົວຈິງ, ຊຸກຍູ້ການບຸກເບີກພັດທະນາຫມູ່ເກາະນານຊາຮ່ວມກັນ.
|
|
|
