|
|
 |
| (GMT+08:00)
2006-11-17 11:19:31
|
 |
|
ສື່ມວນຊົນຫວຽດນາມກ່າວວ່າທ່ານຫູຈີນທາວຢ້ຽມຢາມຫວຽດນາມໄດ້ຍົກການພົວພັນຫວຽດນາມຈີນຂຶ້ນສູ່ລະດັບໃຫມ່
cri
Author: sayvanny
ຕາມຂ່າວສານຊີນຮວາ: ວັນທີ 16 ພະຈິກນີ້, ສື່ມວນຊົນສຳຄັນຂອງຫວຽດນາມໄດ້ພິມບົດນຳແລະບົດຄວາມ, ຕີລາຄາສູງຕໍ່ທ່ານຫູຈີນທາວ ເລຂາທິການໃຫຍ່ສູນກາງພັກກອມມູນິດແລະປະທານປະເທດຈີນໄປຢ້ຽມຢາມຫວຽດນາມທາງລັດຖະກິດ,ໂດຍຊີ້ອອກວ່າການຢ້ຽມຢາມເທື່ອນີ້ຈະເປັນບາດກ້າວໃຫມ່ເຂົ້າໃນການພົວພັນຫວຽດນາມຈີນ, ຍົກການພົວພັນສອງປະເທດຂຶ້ນສູ່ລະດັບໃຫມ່.
ຫນັງສືພິມເຍິນເຊິນ ສຽງຂອງສູນກາງພັກກອມມູນິດຫວຽດນາມໄດ້ພິມບົດນຳກ່າວວ່າ,ການຢ້ຽມຢາມເຊິ່ງກັນແລະກັນລະຫວ່າງຜູ່ນຳສອງປະເທດໄດ້ສະແດງໃຫ້ເຫັນວ່າສອງພັກ ສອງລັດແລະປະຊາຊົນສອງຊາດຫວຽດ ນາມຈີນສຸດທີ່ເອົາໃຈໃສ່ນຳການຂະຫຍາຍການພົວພັນສອງປະເທດ.ບົດນຳຂຽນວ່າ, ການຢ້ຽມຢາມຫວຽດນາມຂອງທ່ານຫູຈີນທາວເທື່ອນີ້ແມ່ນຢູ່ໃນໄລຍະກອງປະຊຸມບໍ່ເປັນທາງການຂອງຜູ່ນຳສະມາຊິກຂອງອົງການເອເປັກ,ນີ້ສະແດງໃຫ້ເຫັນວ່າຫວຽດນາມແລະຈີນເຊິ່ງເປັນສະມາຊິກອົງການເອເປັກຈະເພີ່ມທະວີການຮ່ວມມື,ເພື່ອໃຫ້ອົງການບັນລຸຄວາມຈະເລີນຮຸ່ງເຮືອງ.
ສ່ວນຫນັງສືພິມກວນໂດຍເຍິນເຊິນຂອງຫວຽດນາມກໍ່ໄດ້ພິມບົດນຳ,ຕີລາຄາສູງຕໍ່ມິດຕະພາບຫວຽດນາມຈີນ,ແລະໄດ້ສະແດງຄວາມຂອບອົກຂອບໃຈຕໍ່ພັກແລະປະຊາຊົນຈີນທີ່ໄດ້ໃຫ້ການສະຫນັບສະຫນູນອັນລ້ຳຄ່າແກ່ການປະຕິວັດແລະພາລະກິດການສ້າງສາຂອງຫວຽດນາມ.
|
|
|
