|
ຕາມຂ່າວ CRI: ຕອນຄ່ຳວັນທີ 19 ພະຈິກນີ້ ຢູ່ວຽງຈັນ ທ່ານຫູຈິນທາວ ປະທານປະເທດຈີນທີ່ໄປຢ້ຽມຢາມລາວທາງລັດຖະກິດກັບທ່ານຈູມມະລີໄຊຍະສອນ ປະທານປະເທດລາວໄດ້ພ້ອມກັນໄຂວິທະຍຸສາກົນແຫ່ງປະເທດຈີນ CRI FM 93MHzທີ່ວຽງຈັນ.
ທ່ານວາງເກິ່ງຫນຽນ ຫົວຫນ້າວິທະຍຸສາກົນແຫ່ງປະເທດຈີນ CRI ໄດ້ເປັນພິທີກອນຂອງພິທີໄຂວິທະຍຸດັ່ງກ່າວ.ໃນພິທີໄຂ,ທ່ານຫູຈີນທາວເວົ້າວ່າ, ການໄຂວິທະຍຸ CRI FM 93MHz ຈະກ່າຍຂົວໃຫມ່ໃນການເພີ່ມທະວີຄວາມເຂົ້າໃຈກັນແລະມິດຕະພາບເຊິ່ງກັນແລະກັນລະຫວ່າງປະຊາຊົນສອງຊາດ,ປະກອບສ່ວນເຂົ້າໃນການພົວພັນຮ່ວມມືຮອບດ້ານລະຫວ່າງຈີນລາວທີ່ຫມັ້ນຄົງຍາວນານ ເປັນບ້ານໃກ້ເຮືອນຄຽງທີ່ດີຕໍ່ກັນແລະໄວ້ເນື້ອເຊື່ອໃຈກັນ.
ວິທະຍຸສາກົນແຫ່ງປະເທດຈີນ CRI FM 93MHz ແມ່ນວິທະຍຸລະບົບ FM ແຫ່ງທີ່ສອງທີ່ວິທະຍຸສາກົນແຫ່ງປະເທດຈີນສ້າງຂຶ້ນຢູ່ຕ່າງປະເທດຫຼັງຈາກໄດ້ສ້າງຢ່ໄນໂລບີຂອງປະເທດເຄັນຢາ.ວິທະຍຸແຫ່ງນີ້ຈະກະຈາຍສຽງດ້ວຍພາສາລາວ ພາສາຈີນກາງແລະພາສາອັງກິດມື້ລະ 12 ຊົ່ວໂມງເຄິ່ງ,ເນື້ອໃນລາຍການລວມມີການສ້າງສາເສດຖະກິດ ການພັດທະນາຂອງສັງຄົມຈີນແລະວັດທະນະທຳຈີນ, ການແລກປ່ຽນ ການຮ່ວມມືແລະການໄປມາຫາສູ່ກັນດ້ວຍໄມຕີຈິດລະຫວ່າງຈີນລາວໃນຂົງເຂດເສດຖະກິດການຄ້າແລະວັດທະນະທຳເປັນຕົ້ນ.
ທ່ານທອງລຸນ.ສີສຸລິດ ຮອງນາຍົກລັດຖະມົນຕີລັດຖະມົນຕີວ່າການກະຊວງການຕ່າງປະເທດລາວ, ທ່ານບໍ່ແສງຄຳ.ວົງດາລາ ລັດຖະມົນຕີຊ່ອຍວ່າການກະຊວງຖະແຫລງຂ່າວແລະວັດທະນະທຳລາວພ້ອມກັບຜູ່ນຳພັກແລະລັດຖະບານລາວທ່ານອື່ນໆກໍໄດ້ເຂົ້າຮ່ວມພິທີດັ່ງກ່າວ.
|
