|
ທ່ານຫູຈີນທາວກ່າວປາຖະກະຖາຢູ່ອິນເດຍໃນຫົວຂໍ້ "ຈູງມືກັນເປີດກວ້າງການຮ່ວມມື, ຮ່ວມກັນສ້າງອະນາຄົດອັນດີງາມ"
cri
Author: m
ຕາມຂ່າວ CRI: ຕອນເຊົ້າວັນທີ 22 ພະຈິກນີ້, ທ່ານຫູຈີນທາວ ປະທານປະເທດຈີນທີ່ພວມດຳເນີນການຢ້ຽມຢາມທາງລັດຖະກິດຢູ່ອິນເດຍໄດ້ກ່າວປາຖະກະຖາຢູ່ອິນເດຍໃນຫົວຂໍ້ "ຈູງມືກັນເປີດກວ້າງການຮ່ວມມື, ຮ່ວມກັນສ້າງອະນາຄົດອັນດີງາມ" ຢູ່ວັງວິທະຍາສາດທີ່ນີວແດນລີ.
ທ່ານປະທານຫູຈີນທາວຊີ້ອອກວ່າ, ຈີນອິນເດຍມີໄມຕີຈິກຕໍ່ກັນມີຜົນດີຕໍ່ທັງສອງຝ່າຍ, ແລະມີຜົນປະໂຫຍດຕໍ່ອາຊີແລະໂລກ. ການພົວພັນລະຫວ່າງຈີນກັບອິນເດຍໄດ້ກາຍຂອບເຂດສອງຝ່າຍຕັ້ງຫຼວງຫຼາຍ, ມັນມີຄວາມໝາຍຕໍ່ທົ່ວໂລກ. ການພັດທະນາການພົວພັນຈີນອິນເດຍຕ້ອງເອົາໃຈໃສ່ນຳການຮ່ວມມືສອງຝ່າຍ, ແລະຍັງຕ້ອງປະເຊີນໜ້າກັບໂລກ, ປະເຊີນໜ້າກັບອະນາຄົດ.
ເພື່ອຊຸກຍູ້ການຮ່ວມມືຍຸດທະສາດລະຫວ່າງສອງປະເທດຕື່ມອີກ, ທ່ານຫູຈີນທາວໄດ້ສະເໜີຂໍ້ສະເໜີ 5 ຂໍ້.
ເມື່ອເວົ້າເຖິງການພົວພັນກັບອາຊີໃຕ້, ທ່ານຫູຈີນທາວເວົ້າວ່າ, ຈີນຍິນດີສົ່ງເສີມບົດບາດທີ່ມີລັກສະນະສ້າງສັນເພື່ອສັນຕິພາບແລະການພັດທະນາຂອງອາຊີໃຕ້. ທ່ານຊີ້ອອກວ່າ, ຈີນຫວັງຢາກເຫັນບັນດາປະເທດໃນອາຊີໃຕ້ມີການເມືອງທີ່ໝັ້ນຄົງ, ເສດຖະກິດຈະເລີນຮຸ່ງເຮືອງ, ແລະຢູ່ຮ່ວມກັນຢ່າງປອງດອງກັນ, ຈີນບໍ່ສະແຫວງຫາຜົນປະໂຫຍດສ່ວນຕົວໃດໆຢູ່ອາຊີໃຕ້. ຈີນຍິນດີພ້ອມກັນກັບອິນເດຍຊຸກຍູ້ໃຫ້ບັນຫາຊາຍແດນໄດ້ຮັບການແກ້ໄຂໂດຍໄວ.
|
|
