ວິທະຍຸສາກົນແຫ່ງປະເທດຈີນລາຍງານວ່າ: ວັນທີ 21 ພະຈິກນີ້, ທ່ານຫູຈີນທາວ ປະທານປະເທດຈີນກັບທ່ານຄາລາມ ປະທາ ນາທິບໍດີອິນເດຍໄດ້ພົບປະກັນຢູ່ນິວແດນລີ, ທັງສອງທ່ານຍັງໄດ້ເຂົ້າຮ່ວມການເຄື່ອນໄຫວ ສະຫລອງປີຈີນອິນເດຍ.
ໃນເວລາພົບປະທ່ານຄາລາມ, ທ່ານຫູຈີນທາວເວົ້າວ່າ,ຈີນອິນເດຍ ຂະຫຍາຍມິດຕະພາບທີ່ເປັນບ້ານໃກ້ເຮືອນຄຽງທີ່ດີຕໍ່ກັນແລະຮ່ວມມືກັນຢ່າງຮອບດ້ານ,ບໍ່ພຽງແຕ່ຈະສ້າງຄວາມຜາສຸກໃຫ້ປະຊາຊົນທັງສອງປະເທດທໍ່ນັ້ນ, ກໍ່ຈະມີຄວາມຫມາຍສຳຄັນຕໍ່ການຊຸກຍູ້ສັນຕິພາບແລະການພັດທະ ນາຂອງອາຊີແລະທົ່ວໂລກ.ທ່ານເຊື່ອວ່າ, ໂດຍມີສອງຝ່າຍພ້ອມກັນທຳຄວາມພະຍາຍາມ, ການພົວພັນຄູ່ຮ່ວມມືຍຸດທະສາດຈີນອິນເດຍຍ່ອມຈະໄດ້ຮັບການຂະຫຍາຍຕົວຫລາຍກວ່າເກົ່າ.
ທ່ານຄາມລາມເວົ້າວ່າ, ອິນເດຍກັບຈີນຮ່ວມມືກັນມີຄວາມຈຳເປັນທີ່ສຸດຕໍ່ທົ່ວມວນມະນຸດ.ເສດຖະກິດສອງປະເທດພັດທະນາຢ່າງປອດໃສແລະພັດທະນາຢ່າງຫມັ້ນທ່ຽງແມ່ນປັດໄຈທີ່ເຮັດໃຫ້ລະບຽບການສາກົນຫມັ້ນທ່ຽງໃນຊູ່ມື້ນີ້;ສອງປະເທດເກາະແຂນກັນກ້າວໄປຫນ້າ, ຈະຊຸກຍູ້ໃຫ້ທົ່ວໂລກຂະຫຍາຍໄປສູ່ຫລາຍຂົ້ວ,ສະແຫວງຫາຜົນປະໂຫຍດແກ່ປະເທດພວມພັດທະນາ.ອິນເດຍຈະພະຍາຍາມສຸດຂີດເພື່ອເພີ່ມຄວາມມີຊີວິດຊີວາເຂົ້າໃນການພົວພັນອິນເດຍຈີນ.
ມື້ດຽວກັນ, ທ່ານຫູຈີນທາວກັບທ່ານຄາລາມໄດ້ເຂົ້າຮ່ວມການເຄື່ອນໄຫວສະຫລອງປີໄມຕີຈິດຈີນອິນເດຍທີ່ຈັດຂຶ້ນຢູ່ນິວແດນລີ, ແລະໄດ້ພົບປະຜູ່ແທນໄວຫນຸ່ມຈີນແລະອິນເດຍ 200 ຄົນ.
ມື້ດຽວກັນ,ທ່ານຫູຈີນທາວຍັງໄດ້ພົບປະທ່ານນາງໂຊເນຍ.ຄານທີ ປະທານພັກຄັອງເກຣດຂອງອິນເດຍ,ທ່ານໄບຮອດຊິງເຊກາວັດ ຮອງປະທານາທິບໍດີທັງເປັນປະທານສະພາສຫະພັນອິນເດຍ,ແລະທ່ານສົມນັດຈັດເທີຈີ ປະທານສະພາຜູ່ແທນລາຊະດອນອິນເດຍ.
|