ຕາມ​ຂ່າວCRI:ວັນ​ທີ22​ພະຈິກນີ້,​ໃນ​ເວລາ​ກ່າວ​ປາຖະ​ກະຖາຢູ່​ຫໍ​ວິທະ​ຍາສາດ​ຂອງ​ນີວ​ແດນ​ລີ ນະຄອນ​ຫຼວງ​ອິນ​ເດຍ,ທ່ານ​ຫູ​ຈິນທາວ ປະ​ທານ​ປະ​ເທດ​ຈີນ​ທີ່​ພວມ​ຢ້ຽມ​ຢາມ​ອິນ​ເດຍ​ປະກາດ​ວ່າ,ຈີນ​ກັບ​ອິນ​ເດຍ​ໄດ້​ຫາລື​ຕົກລົງ​ວ່າ​ຈະ​ພ້ອມ​ກັນ​ຈັດກິດຈະກຳ​"ປີ​ມິດຕະພາບ​ທ່ອງ​ທ່ຽວ​ຈີນ​ອິນ​ເດຍ"​ໃນ​ປີ2007.

ໃນ​ເວລາ​ກ່າວ​ປາຖະ​ກະຖາ​,ທ່ານ​ປະທານ​ຫູ​ຈິນທາວ​ຍັງ​ກ່າວ​ວ່າ,​ເພື່ອ​ຊຸກ​ຍູ້​ຊາວ​ໜຸ່ມ​ສອງ​ປະ​ເທດ​ແລກປ່ຽນ​​ເຊິ່ງກັນ​ແລະ​ກັນ,ລັດຖະບານ​ຈີນ​ຕົກລົງ​ວ່າ​ຈະ​ເຊື້ອ​​ເຊີນ​ຊາວ​ໜຸ່ມ​ອິນ​ເດຍ500ຄົນ​ມາ​ຢ້ຽມຢາມ​ຈີນ​ພາຍ​ໃນ5ປີ​ຂ້າງ​ໜ້າ.