|
|
 |
| (GMT+08:00)
2006-11-24 17:49:09
|
 |
|
ທ່ານບາຣາເດຊົມເຊີຍຝ່າຍຕ່າງໆທີ່ກ່ຽວຂ້ອງຈະຟື້ນຟູການເຈລະຈາ 6 ຝ່າຍກ່ຽວກັບບັນຫານິວເຄຼຍບົນແຫຼມເກົາຫຼີ
cri
Author: cai
ຕາມຂ່າວສານຊີນຮວາ:ວັນທີ 23 ພະຈິກ,ຢູ່ນະຄອນວຽນ,ທ່ານໂມຮາເມັດ ໂມສຕາຟາ ເອວ ບາຣາເດ ຜູ້ອຳນວຍການໃຫຍ່ອົງການພະລັງງານປະລະມານູສາກົນກ່າວວ່າ,ທ່ານສະແດງຄວາມຊົມເຊີຍຕໍ່ຄວາມຢາກອັນຕັ້ງໜ້າຂອງຝ່າຍຕ່າງໆທີ່ກ່ຽວຂ້ອງທີ່ຈະຟື້ນຟູການເຈລະຈາ 6 ຝ່າຍກ່ຽວກັບບັນຫານິວເຄຼຍບົນແຫຼມເກົາຫຼີ.
ມື້ດຽວກັນ,ໃນເວລາກ່າວຄຳປາໄສຢູ່ທີ່ປະຊຸມຄະນະກຳມະການອົງການພະລັງງານປະລະມານູສາກົນ,ທ່ານບາຣາເດກ່າວເນັ້ນວ່າ,ການທົດລອງນິວເຄຼຍຂອງສ.ປ.ປ.ເກົາຫຼີໃນເດືອນຕຸລາປີນີ້ໄດ້ສະແດງໃຫ້ເຫັນຄວາມສຳຄັນແລະຄວາມຂ້ຽວຂາດຂອງການແກ້ໄຂບັນຫານິວເຄຼຍບົນແຫຼມເກົາຫຼີໂດຍຜ່ານການເຈລະຈາ,ຝ່າຍຕ່າງໆທີ່ກ່ຽວຂ້ອງຂອງບັນຫານິວເຄຼຍບົນແຫຼມເກົາຫຼີຟື້ນຟູການເຈລະຈານັ້ນ,ແມ່ນເລື່ອງທີ່ຂາດບໍ່ໄດ້ແລະຮີບດ່ວນ.ທ່ານຮູ້ສຶກປິຕິຊົມຊື່ນຕໍ່ຄວາມຄືບໜ້າອັນຕັ້ງໜ້າໃນການຟື້ນຟູການເຈລະຈາ 6 ຝ່າຍໃນຫວ່າງມໍ່ໆນີ້.
ພ້ອມກັນນັ້ນ,ທ່ານບາຣາເດກ່າວວ່າ,ການທົດລອງນິວເຄຼຍຂອງສ.ປ.ປ.ເກົາຫຼີເຮັດໃຫ້ຄົນຮູ້ສຶກເສຍໃຈແລະເປັນຫ່ວງນຳ,ນີ້ເປັນການທ້າທາຍຢ່າງຮຸນແຮງຕໍ່ໂຄງປະກອບບໍ່ແຜ່ຜາຍອາວຸດນິວເຄຼຍຂອງທົ່ວໂລກ,ອົງການພະລັງງານປະລະມານູສາກົນຈະຮ່ວມມືກັບສ.ປ.ປ.ເກົາຫຼີແລະຝ່າຍອື່ນໆທີ່ກ່ຽວຂ້ອງຢູ່ທຸກເວລາ,ເພື່ອຊອກຫາວິທີແກ້ໄຂ,ຮັບປະກັນໃຫ້ການເຄື່ອນໄຫວທາງນິວເຄຼຍທັງໝົດຂອງສ.ປ.ປ.ເກົາຫຼີພຽງແຕ່ເພື່ອຈຸດປະສົງສັນຕິພາບເທົ່ານັ້ນ.
|
|
|
